Үкімет экономикалық патриотизм қағидатын қатаң ұстанады. Бұл туралы Премьер-Министр Олжас Бектенов айтты, деп хабарлайды Abai.kz сайты.

"Біз қашан да өзіміздің отандық өндірушілерді қолдайтын боламыз. Бұл – әрбір әкімнің, әрбір министрдің міндеті. Біз бұл жайлы үнемі айтып жүреміз. Ол тек сөз жүзінде ғана емес, нақты іс жүзінде орындалуға тиіс. Импортты алмастыру жұмыстарын, оның ішінде офтейк-келісімшарттар арқылы жандандыра түсу қажет. Бұл отандық компанияларға өздерін алдағы бірнеше жыл бойына тапсырыстармен қамтамасыз етуге, жаңа өндірістерді кеңейтуге және игеруге мүмкіндік береді", - деді Үкімет басшысы.

Abai.kz