Сотта корпорация өкілі тағылған әкімшілік құқық бұзушылық бойынша кінәсін мойындамады. Бірақ оған қарсы бұлтартпас дәлелдер ұсынылды. Осылайша «YDD Corporation» компаниясы құтқарушыларды 40 минут бойы зауытқа кіргізбегені үшін кінәлі деп танылды.

“200 айлық есептік көрсеткіш мөлшерінде әкімшілік айыппұл түріндегі жаза тағайындалды”, – деп хабарлады Қарағанды қаласының әкімшілік құқықбұзушылықтар жөніндегі мамандандырылған ауданаралық сотының баспасөз қызметі.

Сот қаулысы заңды күшіне енген жоқ.

Еске салайық, 2024 жылдың 20 шілдесінде YDD корпорациясының ферроқорытпа зауытында өрт шығып, 8 жұмысшы зардап шекті, олардың 4-еуі кейін алған жарақаттарынан қайтыс болды.

Abai.kz