Солтүстік Атлантикалық Альянс (НАТО) Украинаға Ресей бастаған соғысты келіссөздермен аяқтауға көмектесуі керек, бірақ білек күші өзін танытуы керек. Бұл туралы НАТО-ның Бас хатшысы Марк Рютте Латвия президенті Эдгарс Ринкевичпен бірлесіп өткізген баспасөз мәслихатында мәлімдеді.

Оның айтуынша, соғысты тоқтату үшін Ресеймен келіссөздерді қашан бастау керектігін тек Киев қана шеше алады. Бұл ретте НАТО-ға мүше елдер Украинаға Ресеймен келіссөздер жүргізе алатындай позицияға жеткенше әскери көмек көрсетуді жалғастыруы керек.

«Ресеймен келіссөздерді бастау-бастамауды және бұл соғысты қалай аяқтау керектігін тек Украина билігі ғана шеше алады. Бірақ олар мұны білек күші тұрғысынан жүзеге асыру керек. Сондықтан біз Украинаға қорғаныс көмегін жеткізуді жалғастыра беруіміз керек», - деді НАТО Бас хатшысы.

Сондай-ақ Рютте Киевтің НАТО-ға мүше болу жолы қайтымсыз екенін тағы да қайталады:

«Біз 40 млрд еуро бөліп, бейбітшілік көпірін салып жатырмыз. Висбаденде одақтастардың Украинамен екіжақты деңгейде жасасқан қауіпсіздік жөніндегі барлық келісімдері негізінде Қолбасшылық құрылды. Мұның бәрі Украинаның НАТО-ға қосқан үлесі болып табылады»,-деп сөзін түйіндеді.

Abai.kz