World Boxing Азия аумағында жаңа бокс конфедерациясының құрылғанын ресми түрде жариялады, деп хабарлайды Abai.kz  Qaz365.kz-ке cілтеме жасап. 

“Азияда бокстың мүмкіндіктерін кеңейту жолында осындай қадам жасағанымызға қуаныштымыз. Жаңа Азия бокс конфедерациясы ілгері дамып, бокс деңгейін жаңа белестерге көтеретініне сенімдіміз”, – деді World Boxing басшысы Борис ван дер Ворст.

Конфедерацияның құрылуы World Boxing қауымдастығынан айқын қолдау тапты. World Boxing Олимпиадалық комиссиясының төрағасы Геннадий Головкин Азия боксының әлемдік аренадағы маңыздылығын ерекше атап өтті:

“Мұндай жаңашыл құрылымды құруға қатысу – үлкен мәртебе. Бүгінде Азия боксы әлемдік аренада ерекше рөл атқарады. Жаңа конфедерация біздің аймақтың алатын орнын одан әрі бекітіп және осы спорт түрінің дамуына жаңа серпін береді”, – деді ол.

Жаңа Азия конфедерациясының құрылуы құрлық боксының дамуына жол ашады. Ұйым тәуелсіздік, әділеттілік және спортшыларды қолдау қағидаттарын басшылыққа ала отырып, мүдделі тараптарды ортақ мақсатқа біріктірмек.

Abai.kz