World Boxing ازيا اۋماعىندا جاڭا بوكس كونفەدەراتسياسىنىڭ قۇرىلعانىن رەسمي تۇردە جاريالادى، دەپ حابارلايدى Abai.kz  Qaz365.kz-كە cىلتەمە جاساپ. 

“ازيادا بوكستىڭ مۇمكىندىكتەرىن كەڭەيتۋ جولىندا وسىنداي قادام جاساعانىمىزعا قۋانىشتىمىز. جاڭا ازيا بوكس كونفەدەراتسياسى ىلگەرى دامىپ، بوكس دەڭگەيىن جاڭا بەلەستەرگە كوتەرەتىنىنە سەنىمدىمىز”، – دەدى World Boxing باسشىسى بوريس ۆان دەر ۆورست.

كونفەدەراتسيانىڭ قۇرىلۋى World Boxing قاۋىمداستىعىنان ايقىن قولداۋ تاپتى. World Boxing وليمپيادالىق كوميسسياسىنىڭ توراعاسى گەننادي گولوۆكين ازيا بوكسىنىڭ الەمدىك ارەناداعى ماڭىزدىلىعىن ەرەكشە اتاپ ءوتتى:

“مۇنداي جاڭاشىل قۇرىلىمدى قۇرۋعا قاتىسۋ – ۇلكەن مارتەبە. بۇگىندە ازيا بوكسى الەمدىك ارەنادا ەرەكشە ءرول اتقارادى. جاڭا كونفەدەراتسيا ءبىزدىڭ ايماقتىڭ الاتىن ورنىن ودان ءارى بەكىتىپ جانە وسى سپورت ءتۇرىنىڭ دامۋىنا جاڭا سەرپىن بەرەدى”، – دەدى ول.

جاڭا ازيا كونفەدەراتسياسىنىڭ قۇرىلۋى قۇرلىق بوكسىنىڭ دامۋىنا جول اشادى. ۇيىم تاۋەلسىزدىك، ادىلەتتىلىك جانە سپورتشىلاردى قولداۋ قاعيداتتارىن باسشىلىققا الا وتىرىپ، مۇددەلى تاراپتاردى ورتاق ماقساتقا بىرىكتىرمەك.

Abai.kz