Бүгін Астанадағы  «Қазақ елі» алаңында Ұлы Жеңістің 80 жылдығына арналған Әскери парад өтті. Онда Мемлекет басшысы Қасым-Жомарт Тоқаев сөз сөйлеп, Қазақстан халқын Отан қорғаушылар күнімен және Жеңістің 80 жылдығымен құттықтады.

Мемлекет басшысы: «Еліміздің қорғаныс қабілетін арттыру – аса маңызды міндет. Біз Қарулы Күштерімізді жаңғырта бастадық, армиямызды күшейту үшін нақты жұмыс жүргізіп жатырмыз. Армиямыздың күш-қуаты жауынгерлік рух пен темірдей тәртіпке тікелей байланысты. Сіздердің мінсіз қызметтеріңіз – елдегі қауіпсіздік пен тыныштық кепілі. Біз озық ойлы ұлт ретінде заң мен тәртіпті бәрінен биік қоятын болдық. Әр азаматтың бойында Отанға деген адалдық пен әділдік болуға тиіс», - деді.

Осы ретте біз Мәжіліс депутаты, «Ақ жол» партиясының төрағасы Азат Перуашевтің пікірін білдік...

Азат Перуашев:

– Іс-сапарда жүрмін: Ұлы Жеңістің 80-жылдығында достарыммен бірге Ржев түбіндегі шайқаста қаза тапқан аталарының зиратына бардық. Сондықтан, Астанадағы әскери парадты Волоколамск тас жолымен кетіп бара жатқанда Jibek joly телеарнасының тікелей трансляциясы арқылы көрдім. Көз тартарлық парад, әскери қатардың біркелкі аяқ алысы, қаһарлы техника, президентіміздің терең сөздері - осының барлығы мемлекетіміз үшін мақтаныш сезімін тудырады.

Бауыржан Момышұлы, Талғат Бигелдинов, Нұркен Әбдіров, Рақымжан Қошқарбаев, Сабыр Рахимов, Әлия, Мәншүк, Хиуаз есімдерін Президенттің атап өтуі - қаһармандарға деген жәй құрмет емес. Бұл Отанды, оның тәуелсіздігі мен жерін қорғауда қазіргі және болашақ ұрпақ сүйенуі керек мәңгілік ерлік пен батылдықтың белгілері.

Мен де Талғат Бегелдиновпен араласып, үйінде болғанымды мақтан тұтамын. 2014 жылы Алматыда атақты қаһарманымызды жерленгенде «Ақ жол» фракциясы Мәжілістің жалпы отырысын үзіп, батырдың құрметіне бір минут үнсіздік жариялады.

Сол соғыста жүз мыңдаған басқа да отандастарымыз әлі де ешкім біле бермейтін талай көзсіз ерліктер жасады. Мәселен, кеше ғана халық автоматшы Кемел Тоқаевтың ерлігі туралы білді. Қатарластарының көз алдындағы, жоқ, әлде, тыныштықтағы ерліктің қайсысы қорқынышты? Сондықтан ешкім де, ештеңе де ұмытылмайды.

Ұлының бүгінгі шерудегі қазақ халқының Ұлы Жеңіске және фашизмге қарсы ерлік күресіне, майданды қамтамасыз етуге қосқан үлесі туралы; кең байтақ даланы көздің қарашығындай сақтап, бізге мирас етіп қалдырған бабаларымыздың – Түрік қағанаттарының, Алтын Орданың, Қазақ хандығы батырларының қайсарлығы мен жауынгерлігі туралы ұстамды да қатал сөздері – ұрпақтар сабақтастығы мен ұлттық кодымыздың тағы бір дәлелі, қайсарлық пен борышқа адалдық қашанда бірінші орында.

Әрбір шығуы қазақстандықтардың жүрегін елжіреткен парад қатысушыларының үйлесімділігін атап өту қажет деп есептеймін.

Қатысушылардың әртүрлі топтары арасындағы өзара әрекетті ұйымдастыру күрделі де қиын жұмыс. Мұндай тығыз үйлестіру біздің қарулы күштердің әртүрлі бөлімдеріндегі әскери қызметшілерімізге салтанатты іс-шараларда ғана емес, далалық жағдайда да тән деп сенеміз, бұл парадтар да соны көрсетуге арналған. Әскери техниканың шеруі барысындағы отандық броньды машиналар, сондай-ақ оларды жасауда түрік және қытай әріптестерімен ынтымақтастық туралы ақпарат ерекше қызығушылық тудырды. Біздің әскери-өнеркәсіптік кешеніміз жаңа технологиялық тәсілдер табалдырығында тұрғаны анық, бұл көршілес өңірлердегі бірқатар қақтығыстар тәжірибесін ескерсек, өте өзекті.

Жалпы, Астанадағы әскери парад үлкен әсер қалдырып, елімізбен, оның батырларымен мақтануға тағы бір негіз берді.

Abai.kz