Астанада «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының мүшелері хоккей клубын қолдау және елдегі Конституциялық реформаларды қолдау мақсатында қоғамдық акцияға қатысты, деп хабарлайды елорда әкімдігінің ресми сайты.

Сурет: gov.kz сайтынан алынды.

Іс-шара аясында трибуналарда бірлік, патриотизм және ұлттық спортты қолдау үшін көлемі 12×24 метр болатын Қазақстан Республикасының мемлекеттік туы жайылды.

Сурет: gov.kz сайтынан алынды.

Сонымен қатар қатысушылар конституциялық реформаларды қолдауға арналған арнайы тақырыптағы перформанс ұйымдастырды. Азаматтық ынтымақтастық пен жаңару бағытында адалдықтың белгісі ретінде «Жаңа Конституция үшін» деген жазуы бар ту ашылды.

Сурет: gov.kz сайтынан алынды.

Акция қоғамдық диалогтың маңызын, стратегиялық өзгерістер төңірегінде азаматтардың топтасуын, сондай-ақ жауапкершілік пен бірлік сияқты құндылықтарды дамытудың өзектілігін көрсетті.

Сурет: gov.kz сайтынан алынды.

Іс-шара барысында жанкүйерлер, қоғам белсенділері мен қала тұрғындары бір арнаға тоғысып, өзара қолдау мен ынтымақты, сондай-ақ мемлекеттік рәміздерге деген айрықша құрметті айқын көрсетті.

Abai.kz