Ұлтаралық татулық – кез келген мемлекеттің тұрақтылығы мен дамуының басты кепілі болып табылады. Бұдан көп диаспоралы ел саналатын Қазақстан да тысқары қала алмайды. Жұртқа белгілі жайт, егер әртүрлі ұлт пен ұлыс өкілдері бір елде бейбіт өмір сүріп, бір-бірінің мәдениеті мен дәстүрін құрметтегенде қоғамда келісім мен бірлік қалыптасады. Тағдырдың жазуымен әртүрлі ұлт пен ұлыс өкілдері қоныстанған Қазақстан – дәл осындай татулық пен келісімді ту еткен мемлекеттердің бірі болып саналатындығын мақтан ете аламыз.

Қазақстанда өз ана тілінде және қазақ-орыс тілдерінде сөйлейтін жүзден астам ұлт өкілдері өмір сүреді. Олардың ішінде саусақ бүгіп санайтын болсақ:  қазақ, орыс, өзбек, ұйғыр, татар, неміс, кәріс және басқа да көптеген этностар барлығына көз жеткіземіз. Тәуелсіздік атқан тұста олардың барлығы да бір шаңырақ астында тату-тәтті өмір сүріп келеді. Бұл қазақ билігінің Егемендік жылдары қол жеткізген – елдегі бейбіт саясат пен халықтың өзара сыйластығының нәтижесі болып таблады десек, әсте артқы айқандығымыз емес.

Қазір біздің елімізде қалыптасып отырған Ұлтаралық татулықтың қалыптасуында ең басты рөлді өзара құрмет пен түсіністік атқарады деуімізге берік негіз бар. Айналаға көз тігетін болсақ, айқын аңғаратын бір нәрсеміз әр халықтың тілі, діні, мәдениеті мен салт-дәстүрі бар. Егер әр елдегі билік өз тарапынан біз сөз етіп кеткен ұлттық ерекшеліктерді қадірлеп, бір-бірін сыйлау қоғамдағы бірлікті нығайтады. Татулық бар жерде достық, ынтымақ та һәм өркендеп даму да болады.

Жастар да ұлтаралық татулықты сақтауда маңызды рөл атқарады. Олар өзара достық қарым-қатынас орнатып, түрлі мәдени шараларға қатысып, әр ұлттың дәстүрін танып-білуі керек. Бұл – болашақта бейбіт әрі тұрақты қоғам қалыптастыруға көмектеседі.

Ұлтаралық келісім - кез келген мемлекеттің бейбітшілігі мен тұрақтылығының басты шарты. Қазақстан - көпұлтты ел. Мұнда жүзден астам ұлт пен ұлттың өкілдері тұрады. Олардың барлығы ортақ Отанымыздың бірлігі мен бейбітшілігін сақтауға өз үлестерін қосуда.

Ата-бабаларымыз бейбіт өмірді әрдайым жоғары бағалап, келісімді басты құндылық деп санайды. Қазіргі ұрпақ осы дәстүрді жалғастырып, түрлі этностардың тілін, дінін, салт-дәстүрін құрметтеуді өз борышы деп санайды. Біздің мемлекетіміз әрбір халықтың мәдениетін дамытуға жағдай жасап, ұлттық мерекелер мен дәстүрлерді насихаттауды қолдайды.

Ұлтаралық келісім - бұл жай ғана қағаздағы тұжырымдама емес. Бұл - күнделікті өмірдегі өзара түсіністік, құрмет және қолдау. Әрбір азамат ұлтына қарамастан өзін тең сезініп, елдің дамуына өз үлесін қоса алатын болса, бұл нағыз келісімнің көрінісі.

Қазіргі жаһандану дәуірінде ішкі бірлікті сақтау - маңызды міндет. Әлемдегі түрлі қақтығыстар жағдайында біздің еліміздің бейбітшілігі мен тұрақтылығы - баға жетпес игілік. Сондықтан да біздің әрқайсымыз бірлікті сақтауға, өзара құрмет пен келісімді нығайтуға өз үлесімізді қосуға тиіспіз.

«Бірлік бар жерде өмір бар», - делінген халықтық даналықта. Сондықтан ұлтаралық келісім мен достықты сақтау - мемлекет пен биліктің ғана емес, әрбір азаматтың парызы. Егер біздің бірлігіміз берік болса, ал келісіміміз тұрақты болса, Қазақстанның болашағы жарқын болады.

Қорыта айтқанда, ұлтаралық татулық – еліміздің ең үлкен байлығы. Бірлік пен келісім бар жерде мемлекет те, халық та дамиды. Сондықтан әр азамат татулықты сақтап, өзара құрмет пен түсіністікті нығайтуға үлес қосуға тиіс.

Abai.kz