«Астана» шекаралық бақылау отрядының бақылаушылары жалған құжат көрсеткен 15 жастағы Ауғанстан елінің азаматын ұстаған. Бұл туралы ҚазАқпарат ҚР ҰҚК Шекара қызметінің баспасөз қызметіне сілтеме жасап хабарлады.

«Бішкек - Астана» бағытындағы КС 152 халықаралық әуе рейсін рәсімдеу кезінде 1994 жылы туылған Дания азаматының атына берілген жалған құжат анықталған. Күдікті жолаушы Қазақстан арқылы транзитпен ұшып бара жатқан. Оның айтуынша, Кабул қаласынан Бішкекке ұшып келіпті, одан Астанаға келіп, бұдан әрі Лондонға, Ганноверге ұшуды жоспарлаған. Тексере келгенде, жолаушының қолында транзиттік билеті мен ұшаққа отырғызу талоны болмай шығыпты. Аталған іске байланысты құзырлы органдар  жедел тергеу амалдарын жүргізуде екен.

Абай-ақпарат