Үлкен сот жүріп жатыр. Сот төрағасы ортаға біреуді шығарып: «Мына жексұрын ел-жұрттың малын ұрлап сатқан ...» - деп таныстырды. Сонда ортаға бір батыр шығып әлгіні садақпен атып тастады. Төраға ортаға келесі қылмыскерді шығарды: «Бұл - мемлекеттің қазба-байлығын жатжұрттықтарға сатқан» - деді. Бұны да бір жігіт мылтықпен атып мүрдем кетірді. Төраға үшінші қылмыскерді таныстырды: «Бұл - ділін, дінін, тілін сатқан қарабет». Жұрт тым-тырс. Бір мезетте бәрі теріс айналып тарай бастады. Төраға: "Ау, бұларың не, мына қылмыскерді кім атады?!" - деді жан дауысы шығып.  Тарап бара жатқандардың ішінен бір ақсақал сәл аялдады да: «Бұны біз атпаймыз. Қарғыс атады!» - деді.

Нұрлан Сәдірдің FB парақшасынан алынды