Құжатта көрсетілгендей, жылдың соңына дейін барлық операторлық байланыс пен провайдерлар халықаралық қызметті тек ғана жаңа құрылым бойынша көрсетеді.

Сарапшылардың пікірінше, коммутациялық орталық бірінші кезекте үкіметтік құрылымға қажет кезінде интернет байланысын үзуге мүмкіндік береді.

Мамандар болса, орталық қауіпсіздіктің алдын алмайды, керісінше қауіп төндіреді деп отыр.

«Бізге барлығы да ақпараттық қауіпсіздік үшін жасалынып жатыр дейді. Бірақ барлық мобилді операторлар тек бір жүйемен қызмет ететін болса, қалайша қауіпсіз болмақшы?», - деп наразылығын жеткізеді Тәжікстанның интернет провайдерлер қауымдастығының төрайымы Парвина Ибодова. Оның түсіндіруінше, егер хакерлік шабуыл жасалса, Тәжікстан бойынша барлық байланыс үзіледі.

Сарапшылардың айтуынша, екінші қауіп, нарықты монополизациялау сапаның төмендеуіне әкеледі. Мемлекеттік телеком компанияларына қанша жерден қолдау болғанымен, елде алғашқы бестіктің қатарына кірмейді екен. 

Абай-ақпарат