Елдегі мемлекеттік БАҚ «Эмад» зымырандары сақталатын жерасты әскери нысанының салтанатты ашылуына парламент спикері Али Лариджани қатысқанын хабарлады.

БҰҰ сарапшылары қазан айында әсер ету радиусы орташа осындай түрдегі қаруды сынау арқылы Тегеран өзіне баллистикалық зымырандарды ұшыруға тыйым салған БҰҰ Қауіпсіздік Кеңесінің қарарын бұзды деп түйіндейді. Ақ үй «Эмадты» сынақтан өткізгені үшін жаңа экономикалық санкциялар салуы мүмкін екенін ескертті.

АҚШ Мемлекеттік департаментінің баспасөз хатшысы Джон Кирби  қаңтардың 5-де Вашингтон «техникалық сәттерді» пысықтап жатқанын және «санкцияларды қолдануға толық дайын» екенін мәлімдеді. Қазан айында Тегеран зымырандар мен ұшыру қондырғылары бар басқа жерасты қоймасы туралы ақпарат берген еді.