Компанияның ресми сайтында бұл туралы "Түркіменгаз" компаниясына ескерту жолданғаны жайлы хабарланды. Ресейлік компания бұл шешімін "дүниежүзілік газ нарығындағы жағдаймен" және "жекелеген экономикалық әрі қаржы мәселелерінің" туындауымен түсіндіреді.

Соңғы жылдары "Газпром" жыл сайын 11 миллиард текшеметрге жуық түркімен табиғи газын сатып алып келді. Өткен жылдың шілде айында Түркіменстанның мұнай және газ министрлігі Ресейдің 2015 жылы "жалғасып жатқан жаһандық экономикалық дағдарыс пен экономикалыық санкциялардың салдарынан " алған газының ақшасын төлемегені туралы мәлімдеген еді.

Түркіменстан бұрынғы КСРО аумағындағы Ресейден кейінгі ірі газ экспорттаушы ел. Ресейден бөлек, бұл мемлекет Қытай мен Иранға газ сатады.