Үкімет басшысы К.Мәсімов зейнетақы қорының қаражатын дұрыс пайдалану үшін зейнетақы қорының басшыларын тыңдауға ниет білдірді. Бұл туралы Үкімет басшысы «Атамекен» ҰКП ІІІ съезінде сөйлеген сөзі кезінде айтты.

«Зейнетақы қорының қаржысын пайдалнғанда мен оны әкімшілік тұрғыдан пайдаланғаннан гөрі, нарықтық тұрғыдан пайдаланған әрдайым тиімді деп ойлаймын. Біз қазір ол біздің ақшамыз емес, біздің салымшыларымыздың, біздің зейнеткерлеріміздің ақшасы болса да, оны әкімшілік тұрғыда жүзеге асырып жатырмыз», - деді К. Мәсімов.

«Зейнетақы қорының басшыларын тыңдау керек – ақша қалай пайдаланылуда, қазір қалай, бұдан әрі қалай дамимыз? Осы сұрақтарға жауап тауып, ортақ пікірімізді Мемлекет басшысына ұсынуымыз керек. Содан кейін Мемлекет басшысы шешім қабылдайды», - деп атап өтті Премьер-Министр.

Абай-ақпарат