Облыс әкімінің шешіміне сәйкес, тамыз айының алғашқы онкүндігінде  ауданымызда аумақтық қорғаныс бригадасымен бірлескен  республикалық командалық  штабтың  "Айбалта -2016" оқу жаттығу іс-шарасы өтті.   Бұл туралы «Abai.kz» порталы Оңтүстік Қазақстан облысына қарасты Бәйдібек ауданы әкімінің баспасөз қызметіне сілтеме жасай отырып хабарлайды.

Аталған оқу жаттығуды ұйымдастырудағы  басты мақсат - аса маңызды нысандарды күзету және қорғау, десанттық және диверсиялық  қарсыластарымен күресу, соғыс жағдайында тәртіп орнату мен қолдауды қамтамасыз ету болған. Аталған сипаттағы оқу жаттығу шаралары Оңтүстікте алғаш рет өтіп отырған жоқ.

Ресми орган мәліметтеріне сүйенсек, «Айбалта-2016» тактикалық оқу-жаттығу аумақтық қорғаныс бригадасы  басқармасымен  бірлескен   командалық  штабтың оқу жаттығу іс-шарасының  қорытындылау кезінде  Оңтүстік Қазақстан облыс әкімінің орынбасары Ж.Бөкенбаев, Бәйдібек аудандық аумақтық қорғаныс  бастығы, аудан әкімі Б.Көшербай  қатысты.  Бұл тактикалық оқу-жаттығу  жиынына аумақтық  қорғаныс  бригадасының басшысы полковник М.Мақатов жасады.  Жалпы үйлестіру жұмыстарымен подполковник  Ұ.Бекбауов  таныстырды, деп жазады аудан әкімінің баспасөз қызметі.

«Айбалта-2016»  тактикалық оқу-жаттығу іс-шарасының ұйымдастырылуы мен атқарылған жұмыстар оң бағаланды.

Abai.kz