Спортшылардың төл мерекесі қарсаңында аудан әкімі Арман Абдуллаев бір топ спортшылармен кездесіп, төл мерекемен құттықтады. Аудан әкімдігінде өткен іс-шарада аудандық дене шынықтыру және спорт бөлімінің басшысы Арман Қарсыбаев өткен 7 айдың қорытындысы туралы қысқаша хабарлама жасап, былтырғы жылмен салыстырғанда спорттың барлық түрінен де ілгерілеу бар екенін айтып өтті.

Ауданның атын шығарып жүрген азаматтарға аудан басшысы Арман Айдарұлы:

-Келе жатқан кәсіби мерекелеріңізбен шын жүректен құттықтаймын. Алар асулар мен бағындырар биіктер молая берсін. Тек алға қарай қарыштай беріңіздер! – деген ақ тілегін білдірді. Мұнан кейін бір топ бапкерлер мен спортшы азаматтарға «Алғыс хаттар» мен бағалы сыйлықтарды салтанатты түрде табыс етті. Марапатталған азаматтардың есімдерін айта кеткенді жөн көрдік.  Аудандық футбол мектебінің директоры Ермек Аманқұлов, №1 БЖСМ директоры Абай Сәкиев, №2 БЖСМ директоры Б.Төреқұлов, атлетизмнен БЖСМ директоры Нұржан Төреқұлов, аудандық дене шынықтыру және спорт бөлімінің бас маманы Ахан Есалиев, бөлімнің жетекші маманы Болат Үсен, бөлімнің нұсқаушысы Еркебұлан Айдаров, үстел теннисінің бапкері Әлкей Қалшабеков, таеквон-до спортының бапкері Вячеслав Барашкин, ауыр атлетика бапкері Берік Тағабаев, бокс спортының бапкері Нұрлан Ваийсов, волейбол бапкерлері Нұрғали Айнабеков пен Еркін Қалдаров, футбол бапкерлері Жиенбек Тәліпов, Жақсылық Әшімов пен Ерғали Тұрамұратов, Әзілхан Үсен, қазақ күресінің бапкері Нұрқасым Алтынбеков,  армрестлинг баспкерлері Сейфолла Нұрхалықов, Нұралы Сапаров пен Шынболат Райханов,  волейболшы Ербол Сәкиев, қол күресшілер Асан Байғозиев пен Мағжан Шәмиев, футболшылар Әлібек Махамбетов пен Досхан Әлімхановтар аудан әкімінің марапатына ие болысты.

Айта кетейік, спортшылар мерекесі күні Шардарада облыс бойынша тұңғыш рет жағажай волейболынан турнир өткізілмек.

Abai.kz