Қырғызстанда жоғары оқу орындарында әскери кафедралар жойылды
Қырғызстан президенті Алмазбек Атамбаев «Қырғыз Республикасы азаматтарының әскери және баламалы қызметтердегі әскери міндеттері» жөніндегі заңға өзгертулер мен түзетулер енгізу жөніндегі заң жобасына қол қойды. Бұл жөнінде президенттің баспасөз қызметі хабарлайды.
Заңның мақсаты Қырғызстандағы Қарулы күштердің құрамының сапасын арттыру делінген.
Қабылданған заңға сәйкес, жоғары оқу орындарындағы әскери кафедраларды (Медицина академиясындағы әскери факультеттен басқа) жабу көзделген.
Мұнан бөлек жедел түрде әскерге шақырудың мерзімі өзгереді.
Абай-ақпарат
