Тәуелсіздіктің 25 жылдығы қарсаңында Төлеби ауданы Көксайек пен Қаратөбе ауылдық округінде екі фельдшерлік акушерлік пункт ел игілігіне пайдалануға берілді. Бұл туралы «Абай ақпарат» порталы Оңтүстік Қазақстан облысы әкімінің баспасөз қызметіне сілтеме жасай отырып хабарлайды.

Айта кетейік, Оңтүстік Қазақстан облысына қарасты қос ауылда жаңадан ашылған денсаулық сақтау мекемелері Кувейт мемлекетінің ҚР «Азия Мұсылмандар Комитетінің дүниежүзілік қайырымдылық қоры» демеушілігімен салынып отыр. 
Сонымен қатар, әлеуметтік нысандардың салтанатты ашылу рәсіміне Төтенше және өкілетті Кувейт мемлекетінің Қазақстандағы елшісі доктор Тарек Абдулла Аль-Фарадж мырза мен аудан әкімі Б.Парманов қатысты.
Осы жылдың шілде айында құрылысы басталған ФАП-қа 19 ми ллионға жуық қаржы жұмсалған. 
Денсаулық сақтау мекемесіне керекті барлық құрал-жабдықтармен толық қамтамасыз етілген жаңа денсаулық сақтау мекемелері  800-ден астам халыққа алдыңғы қатарлы медициналық қызмет көрсететін болады. 
Естеріңізге сала кетейік, бүгінгі таңда  Төлеби ауданында денсаулық сақтау саласында 2 аурухана, 10 отбасылық дәрігерлік амбулатория мен 24 фельдшерлік акушерлік пункт және 16 дәрігерлік пункт 118 мыңға жуық аудан халқына мінсіз қызмет жасауда.

Абай-ақпарат