Елбасының халықпен жұмыс істеудің жаңа форматына көшу туралы тапсырмасы бар. Мемлекет басшысының тапсырмасына байланысты Оңтүстік Қазақстан облысы «Ашық әкімдік» деп аталатын жаңа форматта жұмыс жасап жатқаны белгілі. Бұл туралы «rgmedia.kz» сайты хабарлайды.

Бүгінде өңірдегі барлық аудан, қалалар жаңа жоба бойынша халыққа қызмет көрсетуде. «Ашық әкімдіктің» негізі талабы бойынша халық пен билік арасында мөлдір байланыс орнатып, ақпараттың ашықтығын қамтамасыз ету. Жоба аясында қазіргі таңда тұрғындар басшыға кездесу барысында, сондай-ақ портал, әлеуметтік желілер арқылы толғандырып жүрген мәселе немесе ұсыныс-тілектерін білдіруде.

Ал мамандар әрбір азаматтың өтінішін жеке қарап, орындалуын қадағалауға тіис. Осы орайда Сарыағаш ауданының тұрғындары жобаның мүмкіндігін пайдаланып, басшыларға өз сауалдарын жолдаған екен. Осындай азаматтың бірі Бірлесу ауылдық округі аумағындағы егістік жерлердегі қашыртқыларды механикалық тазалаудан өткізу мәселесін қозғаған екен.

Мәселеге қатысты мамандар мынадай жауап қайтарды: «Аудандық  су шаруашылығы МКК  мәліметі бойынша  облыстық ауылшаруашылығы басқармасы тапсырыс беруші барлығы  83 миллион  657 мың теңгеге ЖСҚ құжаттарын  дайындап, ағымдағы жылға 75 миллион 278 мың теңгеге механикалық тазалау жұмыстары жүргізілді». Осылацша егсітік жерлердің тазалығына алаңдаған азаматтың өтініші қанағаттандырылдып, өтініші орындалды. 

Abai.kz