Өткенде мен қаладағы мәңгүрттенген біреулердің тойының үстінен түстім. Әлгі жердегілердің әбден орыстанып кеткені соншалық, жас жұбайларға тойдың басында: "Горько!, Горько!" деп айқай салды. Сосын екеуі жабысты да қалды.

Әке-шешелері де беті бүлк етпей, орыстан жұққан осы азғын әдетке қуана қол соғып жатыр. Ішіп алған адамның ұятты "ұра салатынын" бәріміз білеміз ғой.. Бұл да, бар болмысы ішімдіктің төңірегінде құрылған, өлгендерін де арақ ішіп қана еске алатындардың әдеті.

Тағы бір ескерте кетейін деген нәрсем, орыстарға еліктеп, енені жамандағанды да қоюымыз керек. "Келін ененің топырағынан жаралады" дейтін халықпыз. Ене сенің - екінші анаң!

Жолымбет Мәкіш

Facebook-тегі парақшасынан