"Біз шешуші сәтке – көрменің ашылуына таяп қалдық. Қазақстанның астанасына келетін қонақтар саны көп болады. Бүгінде «ЭКСПО-2017» көрмесіне 1,2 миллион билет сатылған екен. Бұл – біз күткендегіден әлдеқайда көп", – деді мемлекет басшысы.

Нұрсұлтан Назарбаев әлемдегі жағдайдың тұрақсыз екенін ескере отырып, көрмені өткізу кезінде қонақтар мен ел азаматтарының қауіпсіздігін Астанада ғана емес, барлық өңірімізде де жоғары деңгейде қамтамасыз ету маңызды екенін атап өткен. Бұл үшін әр басшыға жеке жауапкершілік жүктеген.

EXPO-2017 көрмесі 10 маусымда ашылып, 9 қыркүйекке дейін созылады. Оған дейін Астанада Шанхай ынтымақтастық ұйымының саммиті өтеді. "Қазинформның" хабарлауынша, көрменің ашылу салтанатына оннан астам елдің басшылары қатысады.

Абай-ақпарат