Тәжікстан төтенше жағдай кезінде фото және видеоға түсіруге тыйым салмақ
Тәжікстанның ішкі істер министрлігі төтенше жағдай немесе табиғи апат кезінде фото және видеоға түсірген азаматтарды жазаламақшы. Бұл жөнінде ішкі істер министрі Рамазон Рахимзода 21 шілдеде мәлімдеді.
Ол жақында ғана Душанбеде «Корвон» базарында болған өртті еске салды.
«Оқиға орнында адамдар өрт сөндірушілерге кедергі жасап, өртті жаппай камераға түсіріп жатты», – дейді министр.
Рахимзода осылайша төтенше жағдайда не табиғат апаты кезінде кедергі келтіретін адамдарды жауапқа тарту үшін заң жобаға өзгерістер енгізгенді жөн санап отырмыз деді.
Министрдің сөздерінше, базар күзетшілерінің жауапсыздығы салдарынан 160 сауда нүктесі өртеніп кеткен. Куляб және Хатлон облысының өрт сөндіру қызметінің басшылары қызметінен алынған.
Abai.kz
