Ф.Гүлен «Қызмет» мүшелерін қиын жағдайда қалдыру үшін жоспарланған өте астыртын тұзақтың ұйымдастырылып жатқанына жұрттың назарын аударды, деп хабарлайды «opennewsportal».

Гүлен жақтастарының әсіресе 15-шілдедегі қасақана ұйымдастырылған жоспарлы төңкерістің салдарынан осы күнге дейін тартып келе жатқан тауқыметтерін одан сайын арттыра түсетін астыртын тұзаққа жұрттың назарын аударған Ф.Гүлен өз сөзінде алдағы күндерде бірнеше жоғары лауазымды адамды өлтіру жоспарланып жатқанын және оны халықаралық қауымдастықтарды сендіру үшін қолданылатынын әрі «оны Қызмет мүшелері жасады» деп Қызметке жала жабылатынын тілге тиек етті.

Ф.Гүленнің пікірінше, өте құпия түрде талқыланып жатқан астыртын әрекеттің түпкі мақсаты өте маңызды кісілерді өлтіру арқылы Түркияда үлкен бүлік шығару жоспарланып жатыр. Сондай-ақ «15-шілдедегі төңкерістің саяси ойын» екенін айтып жүрген шетелдіктерді сендіру үшін бүкіл шайтани жоспарларын жүзеге асыруға дейін баратындығын алға тартты. Сонымен қатар «Үшінші шайтани кезең» деп аталған бұл кезеңнің бұған дейінгілерден де үлкен зұлымдықтарды тудыратынына баса назар аударды.

Abai.kz