Ресей қорғаныс министрлігі Сириядағы әуе соққысы үшін Пентагонға жауабын берді
Ресей қорғаныс министрлігі сириялық Дейр-әз-Зора ауданында әскери операция болатыны туралы АҚШ-ты алдын ала ескерткенін мәлімдеді. Осылайша Мәскеу Вашингтонның ресейлік ұшақтар "Сирия демократиялық күштерін" атқылады деген айыптауларына жауап берді.
Ресей қорғаныс министрлігінің өкілі генерал-майор Игорь Конашенковтың мәлімдеуінше, әскер "Ислам мемлекеті" бақылауындағы аудандарды соққылаған.
Пентагон мәліметіне қарағанда, оқиға сенбі күні Евфрат өзенінің шығысындағы Дейр-әз-Зор қаласына жақын маңда болған. "Сирия демократиялық күштері" әуе соққысынан өзінің алты жауынгері жараланғанын хабарлады. Ресей әуе күштері атқылаған ауданды коалиция әскері де болған. Олар зардап шекпеген.
Abai.kz
