Астана. 1 желтоқсан. ҚазТАГ – Айнагүл Бекеева.АҚШ ЕҚЫҰ-ы өзін сарқыды деген пікірмен келіспейді. АҚШ мемлекеттік хатшысы Хиллари Клинтон аталған ұйымның тиімділігі туралы қойылған сауалға осындай деген пікір білдірді.

«ЕҚЫҰ мен үшін және менің елім үшін басым ұйым болып табылады. 90-шы жылдары, менің күйеуім АҚШ президенті болып тұрған жылдары, ЕҚЫҰ біздің халықаралық саясаттың өте маңызды бөлігі деп танылған болатын. Және мұнымен президент Обаманың әкімшілігі де келіседі деп ойлаймын», - деді АҚШ мемлекеттік хатшысы Хиллари Клинтон, сейсенбі күні Астанадағы Еуразиялық университетте қазақстандық және халықаралық азаматтық қоғам өкілдерімен кездесуінде.

«Осыған байланысты мен ЕҚЫҰ алдындағы өзіміздің міндетімізді қуаттау үшін бірқатар қадамдар жасадым. Сондықтан мен осындамын. Біз мұны бұрындары жүргізілген орасан зор жұмыстардың маңыздылығын атап көрсету үшін істейміз», - деді Х. Клинтон.

Оның айтуынша, ЕҚЫҰ қазір де АҚШ-тың халықаралық саясатының бір бөлігі болып табылады. Осыған байланысты біздің ел осы көпқырлы халықаралық ұйымды қолдау үшін қолынан келгеннің бәрін істеп отыр.

«Біз Ұйымның бұдан да белсенді, бұдан да маңызды болуын қолдаймыз, және өзінің міндеттерін орындауға уәде берген барлық тараптарды соған үндеп отырса дейміз», - деп атап көрсетті АҚШ мемлекеттік хатшысы.