Астана. 20 желтоқсан. ҚазТАГ - Қазақстан Президенті Нұрсұлтан Назарбаев Қазақстанның халық артисі, дарынды актер Құдайберген Сұлтанбаевтың қайтыс болуына байланысты марқұмның отбасы мен туған-туыстарына көңіл айту жеделхатын жолдады, деп мемлекет басшысының баспасөз қызметі хабарлады.

«Құдайберген Тәуекелұлы өзінің актерлік дара дарынымен халқымыздың шынайы сүйіспеншілігіне бөленген өнер иесі еді. Оны жұртшылық М.Әуезов атындағы Қазақ драма театрының артисі ретінде жақсы білді. Әйгілі «Тамаша» ойын-сауық отауының іретасын қалаушылардың бірі болып, сонда сомдаған сан қырлы, айшықты рөлдері арқылы халыққа кеңінен танылды. Зор абырой-беделінің арқасында Парламентке депутат болып сайланды. Еңбегі мен жарқын дидарын халқымыз ұмытпайды деп ойлаймын», - делінген жеделхатта.

Қ. Сұлтанбаев 64 жасқа қараған шағында көз жұмды. Халық әртісімен қоштасу рәсімі Алматыда 21-ші желтоқсанда М. Әуезов ат. академиялық драма театры ғимаратында өтеді.

Астана. 20 желтоқсан. ҚазТАГ - Қазақстан Президенті Нұрсұлтан Назарбаев Қазақстанның халық артисі, дарынды актер Құдайберген Сұлтанбаевтың қайтыс болуына байланысты марқұмның отбасы мен туған-туыстарына көңіл айту жеделхатын жолдады, деп мемлекет басшысының баспасөз қызметі хабарлады.

«Құдайберген Тәуекелұлы өзінің актерлік дара дарынымен халқымыздың шынайы сүйіспеншілігіне бөленген өнер иесі еді. Оны жұртшылық М.Әуезов атындағы Қазақ драма театрының артисі ретінде жақсы білді. Әйгілі «Тамаша» ойын-сауық отауының іретасын қалаушылардың бірі болып, сонда сомдаған сан қырлы, айшықты рөлдері арқылы халыққа кеңінен танылды. Зор абырой-беделінің арқасында Парламентке депутат болып сайланды. Еңбегі мен жарқын дидарын халқымыз ұмытпайды деп ойлаймын», - делінген жеделхатта.

Қ. Сұлтанбаев 64 жасқа қараған шағында көз жұмды. Халық әртісімен қоштасу рәсімі Алматыда 21-ші желтоқсанда М. Әуезов ат. академиялық драма театры ғимаратында өтеді.