Көкшетау. 25 желтоқсан. ҚазТАГ – Көкшетауда керамикалық кірпіш шығаратын «ENKI» зауты пайдалануға тапсырылды. Оның құны Т6 млрд 178 млн. Өндірістік қуаты жылына 60 млн дана кірпіш шығара алады.

Зауыттың ашылу рәсімінде сөйлеген сөзінде облыс әкімі Сергей Дъяченко: «бұл Қазақстандағы түрлі-түсті кірпіш шығаратын жалғыз зауыт, сондықтан ол мемлекеттік «Қазақстанның 2010-2014-ші жылдарға арналған үдемелі индустриалық-инновациялық дамуы» бағдарламасына енгізілген», - деп атап өтті.

Зауыт директоры Данил Галамбельдің айтуынша, жарты жылдың ішінде зауытта толық қуатына шығу жоспарлануда. «Ол үшін барлық алғышарттар бар – мамандардан бастап жаңа жабдықтарға дейін. Өнімнің 30% экспортқа, негізінен Ресейге кетеді», - деді директор.

«ENKI» зауытында 250 жұмыс орнын ашу жоспарлануда делінген ақпараттық баянда. Жылына салық түріндегі және бюджетке міндетті төленетін қаражат сомасы Т400 млн болмақшы.

Жобаның ерекшелігі, мұнда испаниялық «Solinser» фирмасының желісі орнатылатындығында. Ол әлемде танылған кірпіш зауыттыраның жабдықтарын шығарушы және әр түрлі-түстегі кірпіштердің 30 түрін шығаруға және ірі форматтағы құрылыс кірпішін шығаруға мүмкіндік береді. Өндіріс толығымен автоматтандырылған. Зауытта Қазақстанның құрылыс алаңдарын өніммен қамтамасыз ету, сондай-ақ өнімді РФ-нің шекаралық аумағына экспорттау көзделген.