Астана. 17 қаңтар. ҚазТАГ – Айгүл Төлекбаева. Ақпан айында азаматтар үшін жеке басты куәландыратын құжаттарды жеделдетіп даярлау тәртібін қайта қолға алу жоспарланып отыр, деп хабарлады ҚР әділет министрлігінің баспасөз-қызметі.

«Ақпан айында азаматтар үшін құжаттарды жеделдетіп даярлау мүмкіндігін қайта қалпына келтіру жоспарлануда», -делінген министрліктің дүйсенбі күні өткен алқа мәжілісінде баспасөз-қызметі таратқан материалдарда.

Әділет министрлігі құжаттардың дер кезінде даярланбау мәселесін шешуде, деп атап өтілген баспасөз-парақшасында.

«Бланкілерді, төлқұжаттар мен жеке куәліктерді даярлау жөніндегі жаңа құрал-жабдық сатып алынып, іске қосылды. Осылайша, бүгінгі күнге даяр болмаған құжаттар саны екі есеге, 300 мыңға дейін қысқарды», -делінген хабарламада.

Әділет министрлігінің деректері бойынша, бұрын шетелден әкелінген, жеке куәліктер үшін қажетті ID – card енді Қазақстан Ұлттық банкінің банкнот фабрикасында басылады.

«Бұл жағдай жеке басты куәландыратын құжаттардың даярлану мен берілу мерзімін екі айдан бір айға азайту туралы мәселені қарауға мүмкіндік береді», -деп атап өтілген хабарламада.