МИНСК. 23 ақпан. ҚазАқпарат /Айтуар Мамлин/ - Якуб Колас атындағы Минск мұражайында қазақтың суырып салма ақыны Жамбыл Жабаевтың туылғанына 165 жыл толуына орай әдеби кеш болып өтті.

21 ақпан күні Қазақстанның Беларусь Республикасындағы елшілігінің мұражай басшылығы және «Атамекен» қазақ қоғамдық бірлестігімен бірлесе отырып өткізген іс-шарасына осы елдің белгілі мәдениет қайраткерлері,  қазақ диаспорасының өкілдері, сонымен қатар Қазақстан Республикасының Беларусь Республикасындағы елшілігінің дипломаттары қатысты.

Іс-шара барысында Қазақстан елшісі  Анатолий Смирнов жиналған қауымды ақын өміріндегі ең қызықты жайттармен хабардар етті.

«Қазақ әдебиетінің Беларусь еліне келуі халық ақыны Жамбыл Жабаевтың шығармашылығымен танысудан басталғандығы  белгілі. Якуб Колас Жамбыл ақынға өз өлеңдерін арнаған. Жамбыл шығармалары 1938 жылы «Пламя революции» атты журналда беларус тілінде жарық көрген еді», - деп еске алды А. Смирнов.

БР-дағы ҚР елшісі Беларус тарапына Қазақстанның мәдени мұраларына көңіл бөлгендігі үшін шын жүрегінен алғысын жеткізді.

Қазақ диаспорасындағы жастардың күшімен мерекелік концерт ұйымдастырылып, кеш барысында Ж.Жабаевтың өлеңдері оқылды.

МИНСК. 23 ақпан. ҚазАқпарат /Айтуар Мамлин/ - Якуб Колас атындағы Минск мұражайында қазақтың суырып салма ақыны Жамбыл Жабаевтың туылғанына 165 жыл толуына орай әдеби кеш болып өтті.

21 ақпан күні Қазақстанның Беларусь Республикасындағы елшілігінің мұражай басшылығы және «Атамекен» қазақ қоғамдық бірлестігімен бірлесе отырып өткізген іс-шарасына осы елдің белгілі мәдениет қайраткерлері,  қазақ диаспорасының өкілдері, сонымен қатар Қазақстан Республикасының Беларусь Республикасындағы елшілігінің дипломаттары қатысты.

Іс-шара барысында Қазақстан елшісі  Анатолий Смирнов жиналған қауымды ақын өміріндегі ең қызықты жайттармен хабардар етті.

«Қазақ әдебиетінің Беларусь еліне келуі халық ақыны Жамбыл Жабаевтың шығармашылығымен танысудан басталғандығы  белгілі. Якуб Колас Жамбыл ақынға өз өлеңдерін арнаған. Жамбыл шығармалары 1938 жылы «Пламя революции» атты журналда беларус тілінде жарық көрген еді», - деп еске алды А. Смирнов.

БР-дағы ҚР елшісі Беларус тарапына Қазақстанның мәдени мұраларына көңіл бөлгендігі үшін шын жүрегінен алғысын жеткізді.

Қазақ диаспорасындағы жастардың күшімен мерекелік концерт ұйымдастырылып, кеш барысында Ж.Жабаевтың өлеңдері оқылды.