Бұл жөнінде Наманған облысында іс сапармен жүрген Өзбекстан президенті Шавкат Мирзияев мәлімдеді.

1 наурызда облыс халқымен кездескен ел президенті Наманғанда Алишер Усманов атындағы жастарға арналған кәсіпкерлік орталығы ашылады деген. Онда шетелдік мамандар жастарды кәсіпке баулитын болады.

«Ол (Алишер Усманов – Ред.) мұнда бизнес орталық пен бизнес мектеп ашады. Мұнда кәсіпкерлерді дайындайды. Бұл орталыққа шетелдік мамандар тартылады», – деді президент.

USM Holdings компаниясының негізін қалаушы Алишер Усманов Наманған облысының Чуст ауданында дүниеге келген. Forbes мәліметі бойынша Усмановтың дәулеті 12,5 млрд доллар. Ол Ресейдегі ең ірі кәсіпкерлердің алғашқы ондығына кіреді.

2018 жылдың тамыз айында Өзбекстан президенті "Алишер Усмановты орденмен марапаттау жөнінде" бұйрыққа қол қойған.

Abai.kz