Қазақстан СІМ баспасөз хатшысы Айбек Смадияров мұның алдында Лавров қазақстандық әріптесі Мұхтар Тілеубердімен де кездесетінін хабарлаған. Бұл ақпаратты «Интерфакс» жаңалықтар агенттігі жариялады.
Айбек Смадияровтың айтуынша, екі елдің сыртқы істер министрлері Қазақстан-Ресей ынтымақтастығының негізгі мәселелерін, екі елдің халықаралық ұйымдар мен өңірлік интеграциялық бірлестіктер бойынша өзара іс-қимылын талқылайды. Оның ішінде Біріккен ұлттар ұйымы, Тәуелсіз мемлекеттер достастығы, Еуразия экономика одағы, Ұжымдық қауіпсіздік шарты ұйымы, Шанхай ынтымақтастық ұйымы және Азиядағы өзара ықпалдастық және сенім шаралары бар.
Екі тарап жылдың соңына дейін Омскде өтетін өңіраралық ынтымақтастыққа арналған 16-форумды, ұжымдық қауіпсіз шарты ұйымының Қырғызстан астанасы Бішкек қаласында өтетін шараларын және басқа да екі жақты және көп жақты шараларды ұйымдастыру мәселелерін талқылайды.
Abai.kz
