Twitter-ءدىڭ باس ديرەكتورى دجەك ءدورسيدىڭ ايتۋىنشا، جارناما بەرۋشىلەر ءۇشىن ينتەرنەت-جارناما وتە قۋاتتى ءارى ءتيىمدى قۇرال. ولاردى كەيدە سايلاۋشىلارعا ىقپال ەتۋ ماقساتىندا پايدالانۋى مۇمكىن. ال ونىڭ ناتيجەسى ميلليونداعان ادامداردىڭ ومىرىنە اسەر ەتەدى.
ءدورسيدىڭ پىكىرىنشە، ينتەرنەتتەگى ساياسي جارناما ماسەلەسى قوعامدا قىزۋ تالقىلانىپ، ساراپتالۋى كەرەك. ونىڭ ويىنشا، قازىرگى دەموكراتيالىق ينفراقۇرىلىم ساياسي مالىمدەمەلەردىڭ جاپپاي تارالۋىنىڭ تەرىس اسەرىن جويۋعا شاماسى جەتپەۋى مۇمكىنى.
وسى ماسەلەنى شەشۋ ءۇشىن "كەرى شەگىنە تۇرۋ كەرەك" دەدى ول.
Twitter-ءدىڭ باسەكەلەسى Facebook جەلىسى قازان ايىندا ساياسات جانە ءتۇرلى كامپانيالارعا قاتىستى جارنامالاردى تەكسەرمەيتىنىن مالىمدەپ، وتكىر سىنعا ۇشىراعان. اقش-تا 2020 جىلى قاراشا ايىندا وتەتىن پرەزيدەنت سايلاۋى قارساڭىندا الەۋمەتتىك جەلىنى يەلەنگەن كومپانيالاردى باق مەن قوعام ەرەكشە باقىلاپ وتىر.
Abai.kz
