بىشكەك. 16 تامىز. قازتاگ - قىرعىزستاندا پرەزيدەنتتىككە ۇمىتكەرلەردى ۇسىنۋ اياقتالدى، دەپ قىرتاگ حابارلادى.

مالىمەت بويىنشا، سايلاۋ جانە رەفەرەندۋمداردى وتكىزەتىن ورتالىق سايلاۋ كوميسسياسىنا (وسك) 86 ۇمىتكەر ءوتىنىش بەرىپ، كەيىن ولاردىڭ ۇشەۋى ءوز وتىنىشتەرىن كەرى قايتارىپ الدى. ولار - بولوتبەك قازاقباەۆ، بارىكتاباس ازەمقۇلوۆ جانە بەكتۇۋر اسانوۆ.

وسك مۇشەسى جەنيش اكماتوۆتىڭ ايتۋىنشا، سوڭعىلارى بولىپ ءوتىنىش بەرگەندەر،  اكىلبەك ساريەۆ، سونداي-اق باكىت كەريموۆ پەن ادۆوكات مارات مەرگەنوۆ بولدى.

ءسويتىپ، وسك 83 ءوتىنىشتى تىركەدى.

«پرەزيدەنتتىككە ۇمىتكەر 83 ادامنىڭ 67-ءسى وزدەرىن-وزدەرى ۇسىنعاندار، 16-سى - ساياسي پارتيالاردان، بارلىق ۇمىتكەرلەردىڭ 77-ءسى - ەر ازاماتتار»، - دەدى ج. اكماتوۆ سەيسەنبى كۇنگى تۇنگە قاراعاندا وتىنىشتەردى قابىلداۋ اياقتالۋىنا ارنالىپ وتكىزگەن ءباسپاسوز ءماسليحاتىندا.

«83 ۇمىتكەردىڭ 80-ءى - قىرعىز، 2-ەۋى ورىس، 1-قازاق. جاستارى 45-كە دەيىنگىلەر - 15 ۇمىتكەر، 60-قا دەيىنگىلەر - 60 ادام، 60-تان اسقاندار - 8 ۇمىتكەر»، - دەدى ول.

83 ۇمىتكەردىڭ 19-ى ۋاقىتشا جۇمىس ىستەمەيتىندەر، 15-ءى مەملەكەتتىك قىزمەتتەگىلەر، 42 ادام اكتسيونەرلىك جانە جاۋاپكەرشىلىگى شەكتەۋلى قوعام وكىلدەرى، 8 ادام قازىرگى شاقىرىلىم دەپۋتاتتارى جانە 7 ادام بۇرىنعى شاقىرىلىم دەپۋتاتتارى، 1 زەينەتكەر بار.

بىشكەك. 16 تامىز. قازتاگ - قىرعىزستاندا پرەزيدەنتتىككە ۇمىتكەرلەردى ۇسىنۋ اياقتالدى، دەپ قىرتاگ حابارلادى.

مالىمەت بويىنشا، سايلاۋ جانە رەفەرەندۋمداردى وتكىزەتىن ورتالىق سايلاۋ كوميسسياسىنا (وسك) 86 ۇمىتكەر ءوتىنىش بەرىپ، كەيىن ولاردىڭ ۇشەۋى ءوز وتىنىشتەرىن كەرى قايتارىپ الدى. ولار - بولوتبەك قازاقباەۆ، بارىكتاباس ازەمقۇلوۆ جانە بەكتۇۋر اسانوۆ.

وسك مۇشەسى جەنيش اكماتوۆتىڭ ايتۋىنشا، سوڭعىلارى بولىپ ءوتىنىش بەرگەندەر،  اكىلبەك ساريەۆ، سونداي-اق باكىت كەريموۆ پەن ادۆوكات مارات مەرگەنوۆ بولدى.

ءسويتىپ، وسك 83 ءوتىنىشتى تىركەدى.

«پرەزيدەنتتىككە ۇمىتكەر 83 ادامنىڭ 67-ءسى وزدەرىن-وزدەرى ۇسىنعاندار، 16-سى - ساياسي پارتيالاردان، بارلىق ۇمىتكەرلەردىڭ 77-ءسى - ەر ازاماتتار»، - دەدى ج. اكماتوۆ سەيسەنبى كۇنگى تۇنگە قاراعاندا وتىنىشتەردى قابىلداۋ اياقتالۋىنا ارنالىپ وتكىزگەن ءباسپاسوز ءماسليحاتىندا.

«83 ۇمىتكەردىڭ 80-ءى - قىرعىز، 2-ەۋى ورىس، 1-قازاق. جاستارى 45-كە دەيىنگىلەر - 15 ۇمىتكەر، 60-قا دەيىنگىلەر - 60 ادام، 60-تان اسقاندار - 8 ۇمىتكەر»، - دەدى ول.

83 ۇمىتكەردىڭ 19-ى ۋاقىتشا جۇمىس ىستەمەيتىندەر، 15-ءى مەملەكەتتىك قىزمەتتەگىلەر، 42 ادام اكتسيونەرلىك جانە جاۋاپكەرشىلىگى شەكتەۋلى قوعام وكىلدەرى، 8 ادام قازىرگى شاقىرىلىم دەپۋتاتتارى جانە 7 ادام بۇرىنعى شاقىرىلىم دەپۋتاتتارى، 1 زەينەتكەر بار.

وسك مالىمەتتەرىنشە، بارلىق ۇمىتكەرلەردەن 53 ادام استانا تۇرعىندارى، ولاردىڭ 52-ءسى - پارتيادا جوقتار.

«77 ۇمىتكەردىڭ جوعارعى ءبىلىمى بار جانە 1 ادامدا اياقتالماعان جوعارعى ءبىلىمى بار»، - دەدى ج. اكماتوۆ.

«ەندى ۇمىتكەرلەر سايلاۋالدى ناۋقاندى قارجىلاندىرۋ ءۇشىن وزدەرىنىڭ جەكە سايلاۋ قورىن قۇرۋى ءتيىس، وسك ارنايى شوتىنا 100 مىڭ سوم قۇيىپ، وزدەرىن قولدايتىنداردان كەم دەگەندە 30 مىڭ قول جيناۋلارى ءتيىس»، - دەپ اتاپ كورسەتتى ج. اكماتوۆ.

«ۇمىتكەرلەردى تىركەۋ قىركۇيەكتىڭ 25-ىندە اياقتالادى دا، سول كۇننەن باستاپ ۇمىتكەرلەردىڭ ۇگىت-ناسيحات جۇمىستارى باستالىپ، ول 29-شى قازاندا اياقتالادى»، - دەدى وسك مۇشەسى.

ج. اكماتوۆتىڭ ايتۋىنشا قازىرگى مەملەكەتتىك ءتىل كوميسسياسىنىڭ قۇرامى بەكىتىلگەن. «العاشقى ەمتيحان قىركۇيەكتىڭ باسىندا ءوتۋى ءتيىس، ونىڭ كەستەسى كەيىن جاريالانادى».

وسك مۇشەسى «سايلاۋ قورىن قۇرۋ مەن ەمتيحان كەزىندە ۇمىتكەرلەردىڭ ءبىرتالايى سەيىلىپ قالادى، دەگەنمەن ۇمىتكەرلەردىڭ مۇنشاما كوپتىگى ءبىراز ىڭعايسىزدىق تۋدىرادى» دەيدى.

«ءبىزدى، مىسالى، كەلەشەكتەگى بيۋللەتەن مولشەرى الاڭداتادى»، - دەدى ج. اكماتوۆ.

ول سونداي-اق، وسك، پرەزيدەنت روزا وتۋنباەۆانىڭ قاتىسۋىمەن تىركەلگەن ۇمىتكەرلەردىڭ فورۋمىن وتكىزبەكشى دەدى. وندا ۇلتتىق بىرلىك تۋرالى مەموراندۋمعا قول قويىلماقشى.

پرەزيدەنتتىككە ۇمىتكەرلەر اراسىندا ساياسي پارتيا باسشىلارىنان باستاپ، شارۋا قوجالىقتاردىڭ توراعالارى، جازۋشىلاردان باستاپ، عالىمدار، جۇمىسسىزدار، زەينەتكەرلەر ت.ب. ماماندىق يەلەرى بار.

قىرعىزستان پرەزيدەنتتىگىنە سايلاۋ 30-شى قازانعا تاعايىندالعان.