باتىس اقپارات قۇرالدارى رەسەي افريكا اينالاسىنداعى «ۇلكەن ويىندا» جەڭىلىس تاپتى دەپ جازىپ، ونىڭ سەبەبىن تالقىلاۋدا. ماسەلەن Foreign Policy باسىلىمى وسى ماسەلەگەن بايلانىستى «رەسەي پرەزيدەنتى ۆ. پۋتين «افريكا ويىنىندا» ساتسىزدىككە تاپ بولدى» دەگەن ماقالا جاريالادى.

باسىلىمنىڭ مالىمەتىنشە، رەسەي-افريكا ەلدەرىنىڭ ءبىرىنشى سامميتىندە پۋتين وسى كونتينەنتتەگى ىقپال ەتۋ ءۇشىن گەوساياسي كۇرەستىڭ اقش پەن قىتايمەن اراداعى جاعدايىندا «ءوز ەلىنىڭ ۇسىنعانىنىڭ ءبارىن» كورسەتكىسى كەلدى. سونىمەن قاتار، رەسەي باسشىسى رەسەيگە «ۇلى دەرجاۆا» مارتەبەسىن قايتارۋدى كوزدەدى.

الايدا ماقالادا ماسكەۋدىڭ افريكاعا قاتىستى جوسپارلارىنىڭ ءبىر بولىگى ورىندالمادى، ال كەيبىرەۋلەرى بىرقاتار ساياسي قاتەلىكتەرگە بايلانىستى ورىندالمايدى. ەكونوميكالىق ىنتىماقتاستىق ناشار دامۋدا - رەسەي تاۋارلارىنىڭ تەك 3,7 %-ى افريكاعا، ال رەسەيگە افريكا تاۋارلارى يمپورتتىڭ 1,1 % قۇرايدى.

وڭتۇستىك افريكادا رەسەي بيلىگى پرەزيدەنت دجەيكوب زۋمامەن اتوم ەلەكتر ستانساسىن سالۋعا كەلىسىم-شارت جاساسۋعا تىرىستى. الايدا، سىبايلاس جەمقورلىق جانجالىنان كەيىن زۋما ۇكىمەتى وتستاۆكاعا كەتتى، ال ونىڭ مۇراگەرى ماسكەۋمەن كەلىسۋدەن باس تارتتى.

ماداگاسكاردا رەسەيلىك «تروللدەر فابريكاسى» سايلاۋعا اسەر ەتۋگە تىرىسقانىن. الايدا اتالعان ەلدە حالىقتىڭ 9,8%-ى عانا ينتەرنەتتى پايدالانادىقتان، بۇل تاكتيكا ەش ناتيجە بەرمەدى، - دەيدى ماقالا اۆتورى.

گۆينەيادا رەسەي ەلشىسى پرەزيدەنت الفا كوندەگە ءوز قىزمەتىندە قالۋعا مۇمكىندىك بەرەتىن كونستيتۋتسياعا وزگەرتۋلەر ەنگىزۋگە شاقىرادى، دەگەنمەن ساياساتكەر حالىقتىڭ اراسىندا تانىمال ەمەس ەدى.

«پۋتين ەۋروپا مەن تاياۋ شىعىستاعى كوپتەگەن باتىل ارەكەتتەرىنە قول جەتكىزسە دە،  افريكاداعى اگرەسسيۆتى مانەۆرلەرى ايقىن شىعىندارعا دۋشار بولدى. رەسەي تىم الىسقا كەتسە، افريكالىقتار ودان الشاقتايدى ... سونىمەن قاتار، افريكاداعى ساۋالنامالارعا سايكەس، رەسپوندەنتتەردىڭ 75%-ى ەركىن جانە ءادىل سايلاۋ وتكىزۋدى قولدايدى»، - دەيدى شەتەل ساراپشىلارى.

كەرىمسال جۇباتقانوۆ

Abai.kz