مۇنداي ەسكەرتۋدى ۋكراين بيلىگىنە اقش-تىڭ ەۋروپالىق وداقتاعى ەلشىسى گوردون سوندلاند جاساعان.
بىرنەشە اپتا بۇرىن كونگرەسس تىڭداۋىندا سويلەگەن سودلاند اسكەري كومەكتىڭ نە سەبەپتەن توقتاپ قالعانى تۋرالى سۇراققا ناقتى جاۋاپ بەرمەگەن.
سەيسەنبى كۇنى جاريالانعان قۇجاتتا ەلشى كونگرەسس وكىلدەرى الدىندا 1 قىركۇيەكتە ۋكراينا پرەزيدەنتىنىڭ كومەكشىسى اندرەي ەرماكقا "ۋكراينا دجو بايدەننىڭ ۇلىنا قاتىستى كوررۋپتسياعا قاتىسى بار دەگەن مالىمدەمە جاسامايىنشا، اسكەري كومەك بولمايتىن شىعار دەپ ايتقانى جازىلعان.
سوندلاند سوزىندە دونالد ترامپتىڭ تاپسىرماسى بويىنشا ۋكراين ساياساتكەرلەرىن ترامپ اكىمشىلىگىمەن ۇيلەستىرىپ وتىرعان. ترامپتىڭ ءوزى اسكەري كومەك تۋرالى ەشتەڭە دەمەگەن. تەك تەلەفون ارقىلى "مەن زەلەنسكي دۇرىس ءىس ىستەگەنىن قالايمىن" دەگەن. سوندلاندتىڭ سوزىنشە، بۇل حانتەر بايدەننىڭ ءىسىن تەرگەۋدى تالاپ ەتۋى جونىندە بولۋى مۇمكىن.
كونگرەسستىڭ وكىلدەر پالاتاسىنىڭ بىرنەشە كوميتەتى كيەۆكە اسكەري كومەكتىڭ توقتاپ قالۋىنىڭ سەبەبىن ىزدەپ جاتىر. بۇل تەرگەۋدىڭ سوڭى پرەزيدەنتكە يمپيچمەنت جاريالاۋعا نەگىز بولۋى مۇمكىن.
بۇل ىسكە قاتىستى كونگرەسسكە ونداعان ديپلومات پەن ترامپ اكىمشىلىگىنىڭ قىزمەتكەرلەرى جاۋاپ بەردى.
Abai.kz
