«اق جول» پارتياسى بانكتەردىڭ اينالىمداعى بوس اقشانى ەكونوميكاعا جۇمساۋىن تالاپ ەتەدى. ول ءۇشىن – ۇلتتىق بانكتەن بەرىلەتىن نوتالاردى شەكتەپ، ەكىنشى دەيڭگەلى بانكتەردىڭ كىرىسىن ازايتۋ كەرەك. بۇل تۋرالى ازات پەرۋاشەۆ ماجىلىستە بيۋدجەتارالىق قاتىناستاردى جاقسارتۋ جونىندەگى زاڭنامانى تالقىلاۋ بارىسىندا ايتتى. اتالمىش زاڭناما بويىنشا شاعىن جانە ورتا بيزنەستىڭ كورپورتيۆتىك تابىس سالىعىنىڭ پايداسى جەرگىلىكتى بيۋدجەتكە تۇسەتىن بولادى. بۇل ءوز كەزەگىندە جەرگىلىكتى اتقارۋشى ورگانداردىڭ شاعىن جانە ورتا بيزنەستى دامىتۋعا قىزىعۋشىلىعىن ارتتىرادى.  

«ەكونوميكانى دامىتۋ ءۇشىن شاعىن جانە ورتا بيزنەستىڭ كورپوراتيۆتىك تابىس سالىعىن جەرگىلىكتى بيۋدجەتكە وتكىزۋ جەتكىلىكسىز. ويتكەنى، قارجىلىق، ينۆەستيتسيالىق جانە سالىقتىق ساياسات سىندى تەتىكتەر ورتالىقتا ورنالاسقان»، - دەپ اتاپ ءوتتى ازات پەرۋاشەۆ. 

ەكونوميكا ءمينيسترى سپيكەردىڭ كاسىپكەرلەردى ەكىنشى دەڭگەيلى بانكتەر ارقىلى نەسيەلەندىرۋدى اكتيۆيزاتسيالاۋ تۋرالى سۇراعىنا جاۋاپ بەرە المادى. ەكىنشى دەڭگەيلى بانكتەر كاسىپكەرلەرگە قولداۋ كورسەتۋدىڭ ورنىنا، ۇلتتىق بانككە 9% ۇستەمەمەن نوتاعا اقشا سالۋدى ءجون كورەدى. ناتيجەسىندە، ولاردىڭ نەسيە مولشەرلەمەلەرى ۇلتتىق بانك نوتالارىنان الدەقايدا جوعارى بولىپ وتىر. 

ماسەلەنى شەشۋ ءۇشىن ەكونوميكا مينيسترلىگى ۇلتتىق بانكپەن بىرلەسە وتىرىپ، ەكىنشى دەڭگەيلى بانكتەردىڭ نوتا الۋىنا شەكتەۋ قويۋ كەرەك. سول كەزدە ەكىنشى دەڭگەيلى بانكتەر وزدەرىنە كاسىپكەرلەردى تارتۋعا مۇددەلى بولادى. ولاردىڭ قاراجاتى مەملەكەتتىڭ بانك سەكتورىن قولداۋ اياسى شەڭبەرىندە نەمەسە ۇلتتىق كومپانيالاردىڭ دەپوزيتتەرىنەن كەلەتىندىكتەن، ولار مەملەكەت پايداسىنا جۇمىس ىستەۋى كەرەك. 

ازات پەرۋاشەۆ: «ۇنەمى شاعىن جانە ورتا بيزنەستى قولداۋ جونىندە ايتىلعانىمەن، بارلىق جەڭىلدىكتەر ورتا كاسىپكەرلىكتى اينالىپ وتەدى. بۇل تۋرالى مەملەكەت باسشىسى ءوزىنىڭ قىركۇيەكتەگى جولداۋىندا دا ايتقان بولاتىن»، - دەدى. 

ەگەر ينۆەستيتسيا ءىرى بيزنەسكە قۇيىلىپ، ال سالىقتىق جەڭىلدىكتەر شاعىن جانە ميكرو بيزنەسكە قاراستىرىلعانىن ەسكەرسەك، ورتا بيزنەس ولاردان شەت قالۋدا. سوندىقتان، ورتا بيزنەس ءۇشىن دە وڭتايلى جاعداي ويلاستىرىلىپ، سالالىق قوسىمشا قۇن سالىعى مولشەرلەمەسى سەكىلدى جەڭىلدىكتەر قاراستىرعان ءجون. 

ەكونوميكا ءمينيسترى ورتا بيزنەستىڭ شاعىن بيزنەسكە اۋىسۋ قاۋپىن جوققا شىعارىپ وتىرعانىمەن، ەلىمىزدەگى كاسىپورىنداردىڭ سانى 8,7 مىڭنان 2,5 مىڭعا تۇسكەنىن ايتۋ كەرەك. بۇل 3 ەسە كەمىدى دەگەن ءسوز. 

ورتا بيزنەستى قولداۋ ارقىلى جاستارعا جۇمىس ورىندارىن اشىپ، سالىق بازاسىنىڭ رەزەرۆىن كەڭەيتىپ، تەنگەنىڭ تۇراقتالۋىنا سەپتىگىن تيگىزەمىز. وسىعان وراي، ۇكىمەتتەن اتالعان ۇسىنىستاردى ەسكەرۋىن سۇرايمىز، - دەدى پارتيا جەتەكشىسى. 

«اق جول» پارتياسىنىڭ ءباسپاسوز قىزمەتى

Abai.kz