قازاقستاننىڭ قوعامدىق، الەۋمەتتىك-رۋحاني ومىرىندەگى بارىنشا ماڭىزدى جايتتىڭ ءبىرى - جاڭا ءالىپبي نۇسقاسى ەلىمىزدىڭ بارلىق سالاسى  ازاماتتارىنىڭ مۇددەلىلىگى مەن قىزىعۋشىلىعىن تۋعىزىپ وتىرعاندىعى تۇسىنىكتى. سولاردىڭ قاتارىندا سىرتقى ساياسات، حالىقارالىق قاتىناس سالاسىنداعى ازاماتتارىمىزدىڭ دا وسى ماسەلەگە ايرىقشا نازار اۋدارىپ، نەمقۇرايلى قاراي المايتىندىعى – زامان تالابى. بۇل تۇرعىدان كەلگەندە، الەم جۇرتشىلىعىمەن تىعىز ارالاسىپ، وزگە مەملەكەتتەردىڭ تاجىريبەسىن مۇقيات زەرتتەپ، جەتىك بىلەتىن، شەت تىلدەرىن مەڭگەرگەن ديپلوماتيالىق سالا ماماندارىنىڭ دا ايتارى بار ءارى بارىنشا ەسكەرۋگە تۇرارلىق دەپ سانايمىز.

وسى ماقساتتا كاسىبي ديلومات، انا تىلىمەن قاتار بىرنەشە شەت تىلدەرىن مەڭگەرگەن مامان نۇربولات الىمباەۆتىڭ دايىنداعان لاتىن ءالىپبيى نۇسقاسىن (قوسىمشادا بەرىلگەن) جولداپ وتىرمىز.

اۆتور بەرىلگەن نۇسقانى ازىرلەۋ كەزىندە كەلەسى قاعيداتتارعا سۇيەنگەن:

1. قازىرگى زامانعى الەمدىك ءتىل ءبىلىمى عىلىمىنىڭ نەگىزىن قالاۋشىلار فرانتسۋز ماماندارى بولعاندىقتان، قازاق ءتىلىنىڭ لاتىن ءالىپبيىن قۇراستىرۋ ءۇشىن فرانتسۋز ءتىلىنىڭ كەيبىر زاڭدىلىقتارى مەن ەرەكشەلىكتەرى ەسكەرىلدى.

2. جاڭا ءالىپبي، مۇمكىندىگىنشە، قاراپايىم جانە يكەمدى بولۋى ءتيىس، ياعني ارىپتەردەن بولەك تاڭبالاردى مەيلىنشە شەكتەپ، قازاق ءتىلىنىڭ دىبىستاۋ ەرەكشەلىكتەرى كەڭىنەن ەسكەرىلدى.

3. قازاق ءتىلىنىڭ لاتىن ءالىپبيى كومپيۋتەردىڭ كلاۆياتۋراسىنا مەيلىنشە يكەمدەلگەن، اقپاراتتىق تەحنولوگيا ماماندارى تولىق كەلىسەر، ياعني ءماتىن تەرۋ، جازۋعا بارىنشا قولايلى، وڭاي بولۋىنا باسا ەنازار اۋدارىلدى.

قازاق ءتىلىنە ارنالعان لاتىن ءالىپبيى

مۇحتار كارىباي

Abai.kz