42 جىل ليۆيا رەسپۋبليكاسىن بيلەپ، توستەگەن مۋاممار قاددافي تاقتان قۇلاۋدىڭ از-اق الدىندا تۇر. «ءال-جازيرا» ارناسىنىڭ اقپاراتىنا سۇيەنە وتىرىپ، باتىس ءباسپاسوز وسىنداي حابار تاراتۋدا.

كوتەرىلىسشىلەر ليۆيا مەملەكەتىنىڭ بارلىق اۋماعىن باسىپ العان كورىنەدى. «كەيبىر ۇساق اۋداندار مەن شاعىن ايماقتاردا عانا قاددافيدىڭ جاقتاستارى كوتەرىلىسشىلەرگە قارسى تۇر»  دەيدى باتىس ءباسپاسوزى. قاددافيدىڭ ەكى ۇلى  قولعا ءتۇسىپتى. كوتەرىلىس باسشىلارى ولاردىڭ باس اماندىعىنا عانا كەپىلدىك بەرىپ جاتىر. مەملەكەتتىك تەلەارنا مەن راديوستانسا دا كوتەرىلىسشىلەردىڭ «تىلىندە» سويلەي باستاعانعا ۇقسايدى. بۇل - قاددافيدىڭ تاقتان قۇلاعانىنىڭ انىق نىشانى بولسا كەرەك. بۇگىن اقش پرەزيدەنتى باراك وباما مۋاممار قاددافيگە قانتوگىستى توقتاتىپ، قول كوتەرىپ شىعۋى قاجەت ەكەندىگىن ەسكەرتىپ ۇلگەردى.

ەستەرىڭىزگە سالا كەتەيىك، قاددافيدىڭ ءوزى ەل بيلىگىنە توڭكەرىس جولىمەن كەلگەن بولاتىن.

1969 جىلى ىدىرىس پاتشانى تاقتان تايدىرعان «ەرىكتى سوتسياليست جاسورەن وفيتسەرلەر» قوزعالىسىنىڭ تۇسىندا ليۆيا اراب رەسپۋبليكاسى (لار) ەدى، 1971 جىلى توڭكەرىسشى اسكەريلەردىڭ باسشىسى مۇحاممەد قاددافي ليۆيادان  ۇلى ليۆيا اراب جاماحيرياسىن «جاساپ» شىعاردى. ليۆيا رەسپۋبليكاسى سودان بەرى رەسمي تۇردە سوتسياليستىك حالىقتىق ۇلى ليۆيا اراب جاماحيرياسى دەپ اتالادى.

42 جىل ليۆيا رەسپۋبليكاسىن بيلەپ، توستەگەن مۋاممار قاددافي تاقتان قۇلاۋدىڭ از-اق الدىندا تۇر. «ءال-جازيرا» ارناسىنىڭ اقپاراتىنا سۇيەنە وتىرىپ، باتىس ءباسپاسوز وسىنداي حابار تاراتۋدا.

كوتەرىلىسشىلەر ليۆيا مەملەكەتىنىڭ بارلىق اۋماعىن باسىپ العان كورىنەدى. «كەيبىر ۇساق اۋداندار مەن شاعىن ايماقتاردا عانا قاددافيدىڭ جاقتاستارى كوتەرىلىسشىلەرگە قارسى تۇر»  دەيدى باتىس ءباسپاسوزى. قاددافيدىڭ ەكى ۇلى  قولعا ءتۇسىپتى. كوتەرىلىس باسشىلارى ولاردىڭ باس اماندىعىنا عانا كەپىلدىك بەرىپ جاتىر. مەملەكەتتىك تەلەارنا مەن راديوستانسا دا كوتەرىلىسشىلەردىڭ «تىلىندە» سويلەي باستاعانعا ۇقسايدى. بۇل - قاددافيدىڭ تاقتان قۇلاعانىنىڭ انىق نىشانى بولسا كەرەك. بۇگىن اقش پرەزيدەنتى باراك وباما مۋاممار قاددافيگە قانتوگىستى توقتاتىپ، قول كوتەرىپ شىعۋى قاجەت ەكەندىگىن ەسكەرتىپ ۇلگەردى.

ەستەرىڭىزگە سالا كەتەيىك، قاددافيدىڭ ءوزى ەل بيلىگىنە توڭكەرىس جولىمەن كەلگەن بولاتىن.

1969 جىلى ىدىرىس پاتشانى تاقتان تايدىرعان «ەرىكتى سوتسياليست جاسورەن وفيتسەرلەر» قوزعالىسىنىڭ تۇسىندا ليۆيا اراب رەسپۋبليكاسى (لار) ەدى، 1971 جىلى توڭكەرىسشى اسكەريلەردىڭ باسشىسى مۇحاممەد قاددافي ليۆيادان  ۇلى ليۆيا اراب جاماحيرياسىن «جاساپ» شىعاردى. ليۆيا رەسپۋبليكاسى سودان بەرى رەسمي تۇردە سوتسياليستىك حالىقتىق ۇلى ليۆيا اراب جاماحيرياسى دەپ اتالادى.

ليۆيا رەسپۋبليكاسىنىڭ ەكونوميكاسىنا ەكپىن بەرىپ تۇرعان شارۋاشىلىق - مۇناي مەن گاز. سوندىقتان دا اۋمالى-توكپەلى دۇنيەدەگى «قارا التىن» مەن كوگىلدىر وتىننىڭ اينىمالى باعاسى  ليۆيانىڭ  باس اۋرۋى بولىپ كەلدى. ال حالىقتىڭ «باس اۋرۋى» - تيىمسىز كەتكەن قاددافي بيلىگى ەدى. تۋنيستەن باستالعان تاياۋ شىعىس توڭكەرىسىنىڭ بارىسىندا ليۆيا كوتەرىلىسشىلەرى: «قاددافي بيلىكتەن كەتسىن!» «كوررۋپتسياعا بۇدان بىلاي توزە المايمىز!» دەگەن ۇراندار كوتەرىپ شىققان-دى...

«اباي-اقپارت»