تاۋەلسىزدىكتىڭ 28 جىلىندا ەلىمىزدە تەك ەكى زاڭ عانا قازاق تىلىندە دايىندالعان ەكەن. ال، قالعانى تەك قانا ورىس تىلىندە دايىندالعان. بۇل تۋرالى 22 قاراشا كۇنى جازدىق. 

قازاق تىلىندەگى قوس زاڭ قايسى دەسەڭىزدەر، مىنە: ءبىرىنشىسى - اكىم ىسقاقتىڭ ىقپالىمەن ازىرلەنگەن «كوشى-قون تۋرالى» زاڭ بولسا، ەكىنشىسى -  فاريزا وڭعارسىنوۆانىڭ باستاماسىمەن دايىندالعان «بالا قۇقىقتارى جونىندەگى» زاڭ.

زاڭدى قازاق تىلىندە جازۋ تۋرالى ايتقان سەنات دەپۋتاتى مۇرات باقتيارۇلى باستاما كوتەرىپ، ەلوردادا جيىن وتكىزگەن. وعان عالىمدار مەن زاڭ شىعارۋشى ورگان وكىلدەرى قاتىسىپ، اتالمىش سالاداعى قازاق ءتىلىنىڭ حال-جايىن تالقىلاعان.

وسىنىڭ الدىندا «Abai.kz» اقپاراتتىق پورتالىندا سەناتوردىڭ «زاڭ اۋەلى مەملەكەتتىك تىلدە جازىلۋى كەرەك» اتتى ماقالاسى جاريا بولعان.

قۇرمەتتى وقىرمان! «Abai.kz» اقپاراتتىق پورتالى تۇراقتى تۇردە جۇرگىزىپ كەلە جاتقان ينتەرنەت-كونفەرەنتسيانىڭ كەلەسى تاقىرىبى - زاڭنىڭ مەملەكەتتىك تىلدە جازىلۋى ماسەلەسىنە ارنالماق.

سونىڭ ىشىندە، ەلوردادا وتكەن جيىندا ايتىلعان ماسەلەلەر مەن ەلىشىلىك قوعامدىق-ساياسي وقيعالار جانە ت.ب. تاقىرىپتار قامتىلادى.

وسىعان بايلانىستى، «ابايدىڭ» وسى اپتاداعى قوناعى - سەناتور، قوعام قايراتكەرى مۇرات باقتيارۇلى بولماق.

سپيكەر مۇرات باقتيارۇلىنىڭ اشىق سۇحباتى مەن سىزدەر قويعان ساۋالدىڭ جاۋابى «Abai.kz» اقپاراتتىق پورتالىندا جاريالاناتىن بولادى!

ەسكەرتۋ! قۇرمەتتى وقىرمان، سپيكەردىڭ جەكە باسىنا نەمەسە وتباسىنا سوقتىعىساتىن، ار-ۇجدانىنا تيەتىن، بوقاۋىز، بەيادەپ سوزدەر مەن سۇراقتارعا جول بەرىلمەيدى! 

قوناققا قويار ساۋالدارىڭىز بەن ايتار ويلارىڭىز بولسا، مارحابات، مارتەبەلى وقىرمان!

Abai.kz