ورىستار، ويانىڭدار!
قر باس پروكۋراتۋراسىنىڭ،
قر بايلانىس جانە اقپارات مينيسترلىگىنىڭ،
قر سىرتقى ىستەر مينيسترلىگىنىڭ
نازارىنا!
ورىستار، ويانىڭدار!
قازاقستاندى مەكەندەيتىن ورىس قاۋىمىنا ارنالعان http://www.russianskz.info سايتى «قازاقستانداعى رەسەيلىك وتانداستارعا! ورىستار، ويانىڭدار!» دەگەن تاقىرىپپەن رەسەيلىك الەۋمەتتانۋشى ماكسيم اكيموۆتىڭ ماقالاسىن جاريالاپتى.
قر باس پروكۋراتۋراسىنىڭ،
قر بايلانىس جانە اقپارات مينيسترلىگىنىڭ،
قر سىرتقى ىستەر مينيسترلىگىنىڭ
نازارىنا!
ورىستار، ويانىڭدار!
قازاقستاندى مەكەندەيتىن ورىس قاۋىمىنا ارنالعان http://www.russianskz.info سايتى «قازاقستانداعى رەسەيلىك وتانداستارعا! ورىستار، ويانىڭدار!» دەگەن تاقىرىپپەن رەسەيلىك الەۋمەتتانۋشى ماكسيم اكيموۆتىڭ ماقالاسىن جاريالاپتى.
اتالعان ماقالاسىندا اكيموۆ قازاقستانداعى «لاد» سلاۆيان قوزعالىسىنىڭ بەلسەندىلەرىنە جالىندى سالەم جولداپ، ءۇشبۋ حات جازىپتى. ماقالا-حاتىندا اۆتور قازاق حالقى قازاقستانداعى مەملەكەت قۇرۋشى ۇلت ەمەس، كەرىسىنشە، «قونارىن ساي، ۇشارىن جەل بىلەتىن»، كوشىپ-قونىپ جۇرگەن قىرعىز-قايساق اتالاتىن كوشپەلى تايپا عانا. ال، قازاقستان مەملەكەتىنىڭ ءتۇپ يەسى وسى جەرگە وركەنيەتتى اكەلىپ، قالالار مەن اۋىلداردى سالىپ، وتىرىقشىلىقتى قالىپتاستىرعان ۇلى ورىس حالقى ەكەنىن باسا ايتىپ، ەلىمىزدىڭ تاۋەلسىزدىگىن، مەملەكەتتىلىگىن، تاريحىن، مادەنيەتىن، ۇلتتىق تەرريتورياسىن، مەملەكەتتىك شەكاراسىن جوققا شىعارادى. جانە قازاق دەگەن حالىقتى ۇلت رەتىندە سانالى تۇردە قورلاي سويلەيدى.
سوزىمىزگە دايەك بولسىن، ماكسيم اكيموۆ دەيتىن رەسەيلىك الەۋمەتتانۋشى قازاقستانداعى ورىس باۋىرلارىنا بىلاي دەيدى: « بۇل دالادا ءارتۇرلى كوشپەلى حالىق ۇلكەن تەرريتوريادا كوشىپ-قونىپ ءجۇردى. ولاردا قازىرگىدەي مەملەكەت بولماعان ءتىپتى شەكارانىڭ نە ەكەنىن دە بىلمەدى.
... رەسەيگە قوسىلعانعا دەيىن بۇل دالادا مەملەكەت دەپ ايتۋعا بولاتىن نەمەسە قازىرگى مەملەكەتتىلىككە ۇقساس دۇنيە بولدى دەۋ - بارىپ تۇرعان وتىرىك.
...قازاقستان تەرريتورياسىندا تەك قازاق جۇزدەرى عانا ەمەس، ۇيعىرلار مەن قالماقتار دا كوشىپ-قونىپ ءجۇردى. ەندەشە، قازاقتار نەگە ۇيعىر نەمەسە قالماق ءتىلىن ۇيرەتپەيدى؟»
بۇل تەك اتالعان سايتتا جارىق كورگەن ماقالا-حاتتىڭ ءۇزىندىسى عانا. (تولىق نۇسقاسىن مىنا جەردەن كورۋگە بولادى: http://www.russianskz.info/compatriot/2115-k-rossiyskim-sootechestvennikam-v-kazahstane-russkie-ochnites.html)
بۇعان دەيىن دە ۇلتارالىق تاتۋلىققا سىنا قاعىپ، مەملەكەت قۇرۋشى قازاق حالقىن كەمسىتىپ، قورلايتىن جاريالانىمداردى جارىققا شىعارىپ كەلگەن http://www.russianskz.info سايتى جانە اتالعان ماقالا اۆتورى، سونداي-اق، «لاد» سلاۆيان قوزعالىسى اتا زاڭدا كورسەتىلگەن باپتار بويىنشا جاۋاپكەرشىلىككە تارتىلۋى ءتيىس!
بايلانىس جانە اقپارات مينيسترلىگى http://www.russianskz.info سايتىنا اتا زاڭنىڭ 20-بابىنىڭ، 3-ءنشى تارماعىنا سايكەس اقپارات قۇرالى رەتىندە جازا قولدانۋى شارت دەپ بىلەمىز.
ال، سىرتقى ىستەر مينيسترلىگى رەسەيلىك ماكسيم اكيموۆتىڭ زاڭ الدىندا جاۋاپ بەرۋىن تالاپ ەتۋگە مىندەتتى دەپ ويلايمىز.
مەملەكەتتىك بيلىكتى جۇزەگە اسىرۋعا ءتيىس مەملەكەتتىك ورىندار تاۋەلسىزدىكتىڭ 20 جىلدىعىن اتاپ وتكەلى وتىرعان مەملەكەتىمىزگە جانە ونىڭ حالقى - قازاققا ءتىل تيگىزىپ، قورلاعان ازاماتتارعا جانە http://www.russianskz.info سايتىنا ناقتى شارا قولدانادى ءارى 30-نشى تامىز كونستيتۋتسيا كۇنىنە وراي، اتا زاڭىمىزدىڭ ارقاشاندا مەملەكەت پەن ازاماتتاردىڭ قورعانى ەكەنىن دالەلدەپ، پاش ەتەدى دەگەن ۇمىتتەمىز.
P.S.
20-باپ
3. رەسپۋبليكانىڭ كونستيتۋتسيالىق قۇرىلىسىن كۇشتەپ وزگەرتۋدi, ونىڭ تۇتاستىعىن بۇزۋدى، مەملەكەت قاۋiپسiزدiگiنە نۇقسان كەلتiرۋدi, سوعىستى، الەۋمەتتiك، ناسiلدiك، ۇلتتىق، دiني، تەكتiك-توپتىق جانە رۋلىق استامشىلىقتى، سونداي-اق قاتىگەزدiك پەن زورلىق-زومبىلىققا باس ۇرۋدى ناسيحاتتاۋعا نەمەسە ۇگiتتەۋگە جول بەرiلمەيدi.
39-باپ
2. ۇلتارالىق تاتۋلىقتى بۇزاتىن كەز كەلگەن ارەكەت كونستيتۋتسيالىق ەمەس دەپ تانىلادى.
(قازاقستان رەسپۋبليكاسىنىڭ كونستيتۋتسياسى)
«اباي-اقپارات»
