24 تامىزدا قىزىلوردا قالاسىندا «اق-جول» پارتياسىنىڭ توراعاسى ا. پەرۋاشەۆتىڭ وڭتۇستىك ايماقتارعا جۇمىس ساپارى اياسىندا قىزىلوردا وبلىستىق بولىمشەسىنىڭ وبلىستىق كونفەرەنتسياسى بولىپ ءوتتى.

ايتا كەتۋ قاجەت،پارتيا توراعاسىنىڭ الماتى، جامبىل، وڭتۇستىك قازاقستان وبلىستارىندا پارتيالاستارىمەن كەزدەسۋ بارىسىندا «اق-جول»: كەشەگىسى، بۇگىنى، ەرتەڭى» جالپىۇلتتىق ديسكۋسسياسىنىڭ باسىم باعىتتارىن ايقىنداۋ جۇمىستارى جالعاستى.

پارتيا مۇشەلەرى مەن ساراپشىلار قاۋىمداستىعىنا كەلەسى تاقىرىپتارعا باسا نازار اۋدارۋ ۇسىنىلدى: «الاش» پارتياسىنىڭ يدەولوگيالىق ۇستانىمدارىن بۇگىنگى زامان تالاپتارىنا ساي ۇشتاستىرۋ; ساياسي ليبەراليزم جانە قوعامدى دەموكراتيالاندىرۋ; جەكە بيزنەستىڭ قازاقستاننىڭ ەكونوميكالىق مودەلىندەگى ءرولى مەن ورنى; الەۋمەتتىك جاڭعىرتۋدىڭ وزەكتى ماسەلەلەرى; تاۋەلسىز ەلدەگى ۇلتتىق ساياساتتىڭ باسىم باعىتتارى.

قىزىلورداداعى كونفەرەنتسيادا وسى باعىتتاعى پىكىر الماسۋ ءوز جالعاسىن تاپتى. جەرگىلىكتى «اقجولدىقتار» قازاق حالقىنىڭ ۇلتتىق-ازاتتىق كۇرەسىنىڭ تراگەديالىق پاراقتارىنا ءادىل باعا بەرۋ ماسەلەسىن كوتەردى. ناقتى، 1916 جىلعى ۇلت-ازاتتىق كوتەرىلىسى، وسى كوتەرىلىستىڭ «الاش» پارتياسىنىڭ يدەيالىق پلاتفورماسىن قالىپتاستىرۋداعى ءرولى، كوممۋنيستىك رەجيمنىڭ 1920-30 جىلدارداعى ەكونوميكالىق ساياساتىنا قارسى جاپپاي قارۋلى كوتەرىلىستەر ءوزىنىڭ تاريحي باعاسىن العان جوق.

24 تامىزدا قىزىلوردا قالاسىندا «اق-جول» پارتياسىنىڭ توراعاسى ا. پەرۋاشەۆتىڭ وڭتۇستىك ايماقتارعا جۇمىس ساپارى اياسىندا قىزىلوردا وبلىستىق بولىمشەسىنىڭ وبلىستىق كونفەرەنتسياسى بولىپ ءوتتى.

ايتا كەتۋ قاجەت،پارتيا توراعاسىنىڭ الماتى، جامبىل، وڭتۇستىك قازاقستان وبلىستارىندا پارتيالاستارىمەن كەزدەسۋ بارىسىندا «اق-جول»: كەشەگىسى، بۇگىنى، ەرتەڭى» جالپىۇلتتىق ديسكۋسسياسىنىڭ باسىم باعىتتارىن ايقىنداۋ جۇمىستارى جالعاستى.

پارتيا مۇشەلەرى مەن ساراپشىلار قاۋىمداستىعىنا كەلەسى تاقىرىپتارعا باسا نازار اۋدارۋ ۇسىنىلدى: «الاش» پارتياسىنىڭ يدەولوگيالىق ۇستانىمدارىن بۇگىنگى زامان تالاپتارىنا ساي ۇشتاستىرۋ; ساياسي ليبەراليزم جانە قوعامدى دەموكراتيالاندىرۋ; جەكە بيزنەستىڭ قازاقستاننىڭ ەكونوميكالىق مودەلىندەگى ءرولى مەن ورنى; الەۋمەتتىك جاڭعىرتۋدىڭ وزەكتى ماسەلەلەرى; تاۋەلسىز ەلدەگى ۇلتتىق ساياساتتىڭ باسىم باعىتتارى.

قىزىلورداداعى كونفەرەنتسيادا وسى باعىتتاعى پىكىر الماسۋ ءوز جالعاسىن تاپتى. جەرگىلىكتى «اقجولدىقتار» قازاق حالقىنىڭ ۇلتتىق-ازاتتىق كۇرەسىنىڭ تراگەديالىق پاراقتارىنا ءادىل باعا بەرۋ ماسەلەسىن كوتەردى. ناقتى، 1916 جىلعى ۇلت-ازاتتىق كوتەرىلىسى، وسى كوتەرىلىستىڭ «الاش» پارتياسىنىڭ يدەيالىق پلاتفورماسىن قالىپتاستىرۋداعى ءرولى، كوممۋنيستىك رەجيمنىڭ 1920-30 جىلدارداعى ەكونوميكالىق ساياساتىنا قارسى جاپپاي قارۋلى كوتەرىلىستەر ءوزىنىڭ تاريحي باعاسىن العان جوق.

«بيىل قازاقستان تاۋەلسىزدىكتىڭ 20 جىلدىعىن كەڭ كولەمدە اتاپ وتۋدە. بارلىعىمىز دا تاۋەلسىزدىكتىڭ ارقاسىندا مەملەكەتىمىزدىڭ وركەندەپ ءوسۋىن، ەكونوميكالىق جانە الەۋمەتتىك تۇرعىدان دامىپ جاتقانىن ماقتان تۇتامىز.

تاۋەلسىزدىك اتا-بابالارىمىزدىڭ اۋىر ازاپتاردى باستان وتكەرگەن كۇرەسى مەن تاريحي دامۋىنىڭ زاڭدى ناتيجەسى بولىپ تابىلادى.

وسىعان بايلانىستى مەن ءوز ارىپتەستەرىمنىڭ قازاق ۇلتىنىڭ تاريحىنداعى ۇلى جەڭىستەر مەن ۇمتىلماس تراگەديالارعا تاريحي جانە ساياسي باعا بەرۋ كەرەك دەگەن پىكىرىمەن تولىق كەلىسەمىن. وسى باعىتتا 1916 جانە 1930 جىلدارداعى قارۋلى كوتەرىلىستەر تاريحي اقتاڭداق بولىپ قالىپ وتىر.

سول كەزدەگى ازاتتىق قوزعالىستارعا ءادىل باعا بەرىلمەيتىن بولسا، تاۋەلسىزدىك جىلدارى تۋعان ۇرپاق، ەگەمەندىلىكتى قازاق حالقىنىڭ عاسىرلارعا جالعاسقان كۇرەسىنىڭ ناتيجەسى ەمەس، وزدىگىنەن كەلگەن تاريحتىڭ تارتۋى دەپ قابىلداۋى مۇمكىن» دەدى ا. پەرۋاشەۆ.

«قازاق ۇلتىنا كوممۋنيستەردىڭ 1917 جىلدان باستاپ ىستەگەن زورلىق-زومبىلىعىن تەك قانا «حولوكوست» تراگەدياسىمەن، پول-پوتتىڭ كامبودجا حالقىنا ىستەگەن زورلىق-زومبىلىعىمەن سالىستىرۋعا بولادى. سوندىقتان كوممۋنيستىك يدەولوگيانى ۇستانىپ وتىرعان پارتيالار قازاق حالقىنان كەشىرىم سۇراۋى قاجەت» دەپ اتاپ ءوتتى ا. پەرۋاشەۆ.

سونىمەن بىرگە قىزىلوردادا وتكەن كونفەرەنتسيادا بىرقاتار ۇيىمداستىرۋشىلىق ماسەلەلەر قارالدى. «اق-جول» پارتياسىنىڭ قىزىلوردا وبلىستىق فيليالىنىڭ توراعاسى بولىپ 32 جاستاعى كاسىپكەر الماس تۇرتاەۆ سايلاندى