قر پرەزيدەنتى قاسىم-جومارت توقاەۆتىڭ اباي قۇنانبايۇلىنىڭ 175 جىلدىعىن رەسپۋبليكا كولەمىندە اتاپ ءوتۋ تۋرالى جارلىعى بيىل 2019 جىلى 30 مامىردا بەكىتىلدى. اتالعان قۇجاتقا سايكەس، كەلەسى 2020 جىلى قازاق حالقىنىڭ ۇلى اقىنى، اعارتۋشىسى اباي قۇنانبايۇلىنىڭ 175 جىلدىق مەرەيتويى تويلانادى.    

جۋىردا ۇلى ابايدىڭ تۋعان كۇنىنە وراي ءال-فارابي اتىنداعى قازاق ۇلتتىق ۋنيۆەرسيتەتىنىڭ جوعارى وقۋ ورنىنا دەيىنگى ءبىلىم بەرۋ فاكۋلتەتىنىڭ شەتەلدىكتەردىڭ تىلدىك جانە جالپى ءبىلىم بەرۋ دايىندىعى كافەدراسى «رۋحاني جاڭعىرۋ» باعدارلاماسى اياسىندا جانە «قازۇۋ ستۋدەنتى وقۋعا ءتيىس 100   كىتاپ» جوباسى نەگىزىندە شەتەلدىك ستۋدەنتتەرگە ارنالعان ءداستۇرلى «ۇلى دالانىڭ ۇلى اقىنى - اباي! (اباي قۇنانبايۇلىنىڭ ءومىرى مەن شىعارماشىلىعى)» اتتى اشىق تاربيەلىك ءىس-شاراسىن وتكىزدى. ايتۋلى ءىس-شاراعا كافەدرا وقىتۋشىلارى مەن وسى كافەدرادا ءبىلىم الىپ جۇرگەن الەمنىڭ قىتاي، كورەيا، جاپونيا، اقش، يسپانيا، دانيا، يران، اۆستراليا، تۇركيا ەلدەرىنەن كەلگەن شەتەلدىك ستۋدەنتتەر قاتىستى.   

بۇل ءىس-شارانى وتكىزۋدەگى كافەدرانىڭ ماقساتى ۇلى اقىن - ابايدى، سونىمەن قاتار ەلىمىزدەگى زاماناۋي قازاقستاندىق ۇلتتىق مəدەنيەتتى əلەمگە تانىتۋ، قاسيەتتى رۋحاني قۇندىلىقتاردى شەتەلدىك ازاماتتارعا كەڭىنەن تانىستىرۋ بولدى. 

جيىندا ءسوز العان كافەدرا وقىتۋشىسى ت. كۋرمانوۆا قازاقتىڭ ۇلتتىق فيلوسوفياسىنىڭ نەگىزىن سالۋشى، جاراتىلىستىڭ قۇپياسىنا، تابيعات پەن قوعامنىڭ، ادام مەن زاماننىڭ سىرىنا تەرەڭ بويلاعان كەمەڭگەر ويشىل اباي قۇنانباەۆتىڭ ءومىرى تۋرالى كەڭىنەن مالىمەت بەرىپ، شىعارماشىلىعىنا جالپى شولۋ جاسادى. 

شارانى وقىتۋشىلار ا. سادەنوۆا، ل. توروحتي، ا. احمەدوۆالار دايىنداعان شەتەلدىك ستۋدەنتتەردىڭ ءۇش تىلدەگى اباي قۇنانباەۆتىڭ ءومىرى مەن شىعارماشىلىعى تۋرالى ادەبي مونتاجى جالعاستىردى. 

ستۋدەنتتەر اباي شىعارمالارىنىڭ تانىمدىق مانىمەن بىرگە ۇلتتىق ادەبيەت پەن مادەنيەتتى، انا ءتىلىن وركەندەتۋدەگى ءرولى زور بولعانى تۋرالى مالىمەتتەرمەن تانىستى. اباي قۇنانباەۆتىڭ ءومىرى مەن شىعارماشىلىعى جونىندە كوپتەگەن سۇراقتار قويدى. سونىمەن قاتار، بۇل شەتەلدىك ستۋدەنتتەر اباي ولەڭدەرى مەن قارا سوزىنەن ۇزىندىلەر وقىپ، ابايدىڭ "كوزىمنىڭ قاراسى", "سەگىز اياق" اندەرىن ناقىشىنا كەلتىرىپ ورىنداپ، اتالعان ءىس-شاراعا ارنايى ۇيىمداستىرىلعان شاعىن قويىلىمعا قاتىسا وتىرىپ، قازاق جانە ورىس تىلدەرىن مەڭگەرگەن دەڭگەيلەرىن كورسەتە ءبىلدى.

«ۇلى دالانىڭ ۇلى اقىنى - اباي! (اباي قۇنانباەۆتىڭ ءومىرى مەن شىعارماشىلىعى)» اتتى اشىق تاربيەلىك ءىس-شارا شەتەلدىك ستۋدەنتتەردىڭ بەلسەندى قاتىسۋىمەن جوعارى دەڭگەيدە ءوتتى، سونىمەن قاتار بۇل ماڭىزدى ءىس-شارا ستۋدەنتتەردى قازاقستاننىڭ ءتىلىن، تاريحىن جانە مادەنيەتىن قۇرمەتتەۋگە ۇيرەتۋدە ءوز ۇلەسىن قوستى دەپ ساناۋعا بولادى.

ا.ە. سادەنوۆا.، د.س. تولماچەۆا.، ە.ر. يگناتوۆا

ءال-فارابي اتىنداعى قازۇۋ،
جوعارى وقۋ ورنىنا دەيىنگى ءبىلىم بەرۋ فاكۋلتەتى
شەتەلدىكتەردىڭ تىلدىك جانە جالپى ءبىلىم بەرۋ
دايىندىعى كافەدراسىنىڭ وقىتۋشىلارى

Abai.kz