“قازاتومونەركاسىپتىڭ” اقشاسىن جىمقىردى” دەپ ايىپتالىپ، ءۇش جىل قاماۋدا وتىرعان حيميك-پروفەسسور عالىمجان مامىتبەكوۆ اقتالىپ شىقتى،-دەپ حابارلايدى ktk تەلەارناسى.

وسى ۋاقىتقا دەيىن جوعارعى سوتقا مامىتبەكوۆتىڭ ءىسىن قايتا قاراۋ تۋرالى ءتورت رەت شاعىم تۇسكەن. الايدا، ول شاعىمنىڭ ەششقايسىسى قاناعاتتاندىرىلماعان. ال، كەشە سوت القاسى مامىتبەكوۆقا تاعىلعان ايىپ نەگىزسىز، كۋاگەرلەردىڭ جالاسى قيسىنسىز ەكەنىن ايتقان. ەندى عالىم زاڭسىز ۇكىمنىڭ كەسىرىنەن وتىرىپ شىققان ءۇش جىلىنا وتەماقى تالاپ ەتەمىن دەپ وتىر.

عالىمجان مامىتبەكوۆ، عالىم:

– پروكۋروردىڭ شاعىمى كەلگەندە، “نەگە كەتىپ قالمادىم” دەگەن مەندە وكىنىش بولدى. شەتەلگە جاقسى ءومىر ءسۇرۋ ءۇشىن ەمەس، زەرتتەۋشى-عالىم رەتىندە ءوزىمدى دامىتۋعا بارعىم كەلگەن. ەندى مەن ەلىمىزدە تولىققاندى عىلىمي جۇمىستارعا ارالاساتىنىما سەنىمدى ەمەسپىن.

Abai.kz