كايف ينتەرۆيۋ! ءبىر دەممەن قاراپ شىقتىم. ەربولات بەدەلحاننىڭ اشىق سۇقبات بەرۋگە كەلىسكەنىنىڭ ءوزى كوپ نارسەنى بىلدىرەدى. دەڭگەي ءبارىبىر سەزىلەدى، دەڭگەي تۇبىندە كورىنەدى عوي.
⠀
ەربولات: "مەن ماركەتولوگ ەمەسپىن", - دەدى. قازىر كەز كەلگەن بيزنەسمەن بەلگىلى ءبىر دەڭگەيدە ءوز سالاسىنىڭ ماركەتەرى. قانداي دەڭگەيدە ماركەتينگدى بىلەتىنىن جاساعان شارۋاسىنان، تانىمالدىلىعىنان، كەيبىر كورسەتكىشتەردەن بايقاۋعا بولادى. بيزنەستە، اسىرەسە ماركەتينگتە كەزدەيسوق دۇنيە بولمايدى. ميلليونداپ قارجى مەن قارالىم جاساپ جۇرگەن پروەكت مەنەدجەردى ماركەتولوگ دەمەۋ مۇمكىن ەمەس. ەربولات - ماركەتەر، مۋزىكانىڭ ماركەتينگ مامانى! ءبىر جوبا جاردى ما، دەمەك، ونىڭ ارتىندا قاجىرلى ەڭبەك، زور زەرتتەۋ مەن ادەمى اناليتيكا جاتىر. ونىڭ ءبارى ۋاقىت پەن اقشاعا كەلىپ تىرەلەدى. ءوز كاسىبىن سۇيگەن ادام عانا ۇزاق جىلدار بويى كاسىپكە ادال بولادى. Orda توبى ازشىلىقتىڭ كوڭىلىنەن شىعىپ، نارىقتا جاراتىن ءونىم جاساي الماسا دا، سول توپتان جينالعان تاجىريبە Ninety One دەگەن بىرەگەي پروەكتىنى دۇنيەگە الىپ كەلدى.
⠀
ەربولات بەدەلحان سۇقبات بارىسىندا ماركەتينگ، پسيحولوگيا، لينگۆيستيكا، ينتەگراتسيا، مونەتيزاتسيا جايلى ءبىراز دۇنيە ايتتى. مەن وسى مەديا سالاسىنىڭ اينالاسىندا جۇرگەندىكتەن، وعان قوسا 91 توبىنىڭ شىققالى بەرى فاناتى بولعاندىقتان، پروديۋسەر مىرزانىڭ ءاربىر ءسوزىن، ويىن، مەسسەدجىن جاقسى ءتۇسىندىم. ال امان تاسىعان جۋرناليست، ءوزى ءتۇسىنىپ تۇرسا دا، كورەرمەننىڭ كوكەيىندە جۇرگەن دۇنيەنى سۋىرىپ الماعانشا، مىجي بەرەدى. مىسالى، ماسسوندار تۋرالى 3-4 رەت سۇرادى. بۇرىننان Ninety One توبى مەن ەربولاتتى باقىلامايتىن ادام ءۇشىن قىزىقسىز بولىپ كورىنۋى مۇمكىن. ينتەرۆيۋ جالپىلاما ەمەس، سوڭعى 2-3 جىلداعى جاڭالىقتار توڭىرەگىندە ءوربيدى.
⠀
مەن نەگە ەربولاتتى سىيلايمىن؟ سەبەبى ول جاڭا يندۋستريا جاساپ جاتىر. ابدەن پلاگياتقا باتىپ، حالتۋرا انمەن جەڭىل اقشا تاۋىپ جۇرگەن، ءتىپتى قازاقتىڭ قانىنا ءسىڭىپ كەتكەن توي بيزنەسىنە التەرناتيۆا ويلاپ تاپتى. سونى دامىتىپ، قيىن سوقپاق جولمەن ءجۇر. العاشقىلاردان بولعانى ءۇشىن كوپتەگەن پسيحيكالىق، فيزيكالىق شابۋىلعا دا توتەپ بەردى. جاڭالىققا ءاردايىم حالىق قورقا قارايدى. سەسكەنەدى. ەگەر كوماندا العان بەتىنەن قايتپاسا، تۇبىندە جۇرت دۇرىس قابىلداپ، مويىنداۋعا تۋرا كەلەدى.
⠀
ەربولاتقا رەسپەكتەن باسقا ايتارىم جوق! قازاقتان وسىنداي ىسكەر، ەڭبەگىنە ادال جىگىتتەر شىعىپ جاتقانىنا قۋانامىن. تاماشا!

نۇرلان جانايدىڭ الەۋمەتتىك جەلىدەگى پاراقشاسىنان

Abai.kz