كۇنىنە 123 جاڭا نقا قابىلدانعان ەكەن.

زەرتتەۋ اۆتورلارىنىڭ ايتۋىنشا، ادامداردىڭ قۇجاتتاردى تالقىعا سالىپ، ۇسىنىستارىن ايتۋى ءۇشىن نقا كولەمى تىم كوپ بولىپ وتىر. بۇل قۇجاتتارعا قوسىمشالار مەن انىقتامالاردىڭ تىركەلۋى، قۇجاتتاردىڭ كۇردەلى قۇقىقتىق تىلدە جازىلۋى جاعدايدى ودان ءارى ۋشىقتىرادى ەكەن..

“قازاقستان ۇكىمەتىنە جىل سايىن زاڭ جوباسىن ازىرلەۋ بويىنشا جوسپار بەرىلەدى، بىراق ءىس-جۇزىندە قابىلداناتىن، وزگەرتۋلەر مەن تۇزەتۋلەر ەنگىزىلەتىن جانە كۇشى جويىلاتىن نقا سانى مىڭداعان ەسە كوپ،” - دەيدى Transparency Kazakhstan ۇيىمىنىڭ اتقارۋشى ديرەكتورى ولگا شيان.

زەرتتەۋدىڭ تۇيىندەمەسىندە جازىلعانداي، ەلدەگى زاڭ شىعارۋ ءتارتىبى مەملەكەتتىك ورگانداردى ازىرلەنگەن ءاربىر نورماتيۆتىك قۇقىقتىق اكتىنى “اشىق ديالوگ” پورتالىندا جاريالاۋعا مىندەتتەيدى ەكەن. ەلەكتروندىق تسيفرلىق قولتاڭباسى بار ءاربىر ادام جاريالانعان نقا جوباسىنا پىكىر ءبىلدىرىپ، ەسكەرتۋ جاساپ، سۇراق قويىپ، ۇسىنىس بەرە الادى.

2018 جىلى قوعامدىق تالقىعا بار بولعانى 15 936 نقا جوباسى شىعارىلعان ەكەن. ياعني جالپى ساننىڭ ۇشتەن ءبىر بولىگى عانا. ولگا شياننىڭ ايتۋىنشا، جوعارى اتالعان پلاتفورمادا جاريالان 15 936 قۇجاتتىڭ ىشىندە ءتۇرلى قاتەلىككە بولا بىرنەشە رەت جاريالانعانى بار ەكەن. دەمەك، تالقىعا ۇسىنىلعان نقا سانى ودان دا از بولۋى مۇمكىن.

قورىتا ايتقاندا، زاڭ شىعارۋ ىسىنە ازاماتتاردىڭ ارالاسۋ دەڭگەيى وتە تومەن. ازاماتتاردىڭ قۇقىقتىق ساۋاتىنىڭ/بەلسەندىلىگىنىڭ تومەن بولۋى ماڭىزدى فاكتور ەكەنى بەلگىلى، دەگەنمەن مەملەكەت تاراپىنان دا كەدەرگىلەر بار سەكىلدى.

دارحان ومىربەكتىڭ الەۋمەتتىك جەلىدەگى پاراقشاسىنان

Abai.kz