ولارعا "بەيبىت جيىن وتكىزۋ ەرەجەسىن بۇزۋ" بابى (اكىمشىلىك كودەكستىڭ 488-باپ، 1-ءبولىم) بويىنشا ايىپ تاعىلعان. حالىقوۆا مەن تاماباەۆا 26-27 قاراشادا ەۋروپا وداعىنىڭ قازاقستانداعى وكىلدىگى الدىندا "رۇقسات ەتىلمەگەن" بەيبىت اكتسياعا قاتىسقانى ءۇشىن اكىمشىلىك جازاعا تارتىلعان. ال مۇساباەۆ "Facebook جەلىسىندە 16 جەلتوقساندا ميتينگىگە شاقىرۋعا ۇندەدى" دەپ ايىپتالعان.
Sud.kz سايتىندا بەلسەندىلەر ءىسىنىڭ سوتقا جەتكەنى، سۋديانىڭ تاعايىندالعانى تۋرالى دەرەك بار. بىراق ازىرگە ءىستىڭ قالاي قارالعانى، ناقتى قانداي شەشىم شىققانى تۋرالى قۇجات ىلىنبەگەن.
استانالىق بەلسەندى سالتانات تولەگەنوۆانىڭ ايتۋىنشا، بۇعان دەيىن "قازاقستاننىڭ دەموكراتيالىق تاڭداۋى" قوزعالىسىنا قاتىسى بار دەپ ايىپتالىپ، ءبىر جىلعا باس بوستاندىعى شەكتەلگەن بەلسەندى گۇلميرا حالىقوۆا 9 جەلتوقساندا پروباتسيالىق باقىلاۋ قىزمەتىنە تىركەلۋ ءۇشىن بارعان كەزدە ازاماتتىق كيىم كيگەن ەكى ادام ونى كولىككە وتىرعىزىپ، الىپ كەتكەن. تولەگەنوۆانىڭ سوزىنە قاراعاندا جول ورتاسىندا كولىكتىڭ بەنزينى ءبىتىپ، جانار-جاعار ماي ستانتسياسىنا توقتاعان كەزدە حالىقوۆا سونداعى جۇمىسشىلارعا تۋىستارىنىڭ تەلەفونىن بەرىپ، ءوزى جايلى اقپارات بەرىپ ۇلگەرگەن. حالىقوۆانىڭ تۋىستارى تۇنگى 23.30 شاماسىندا سارىارقا اۋداندىق پوليتسيا بولىمشەسىنە بارعان كەزدە سول جاقتان بەلسەندىنى كورگەن.
"بىراق پوليتسياداعىلار ەشكىمدى ىشكە كىرگىزبەدى. ال گۇلميرا حالىقوۆا سول جەردەن "مەنى 26-27 كۇنگى ميتينگى ءۇشىن 488-باپتىڭ 1-ءشى بولىگى بويىنشا ون تاۋلىككە قامادى دەپ ايتىپ ۇلگەردى" دەيدى تولەگەنوۆا.
Sud.kz سايتىنداعى دەرەككە سايكەس، ولاردىڭ ءىسىن سۋديا باۋىرجان احمەتقاليەۆ قاراعان. ولاردىڭ 10-15 تاۋلىككە قامالعانىن قۋدالانعان بەلسەندىلەر جايلى اقپارات تاراتاتىن Facebook-تاعى #IHaveAChoiسe #ActivistsNotExtremists توبى دا حابارلادى. پوليتسيا مەن سوت ازىرگە جاۋاپ بەرمەدى.
قاراشانىڭ 26-27 كۇندەرى نۇر-سۇلتاندا ەۋروپا وداعىنىڭ قازاقستانداعى وكىلدىگى الدىندا ونداعان بەلسەندى اكتسيا وتكىزىپ, قازاقستاندا ازاماتتاردىڭ قۇقىقتارى مەن بوستاندىقتارى ورەسكەل بۇزىلاتىنىن ايتىپ، شاعىمدانعان. ولار ەۋروپا وداعىن قازاقستاندى ادام قۇقىعىن ساقتاۋعا مىندەتتەۋگە شاقىرعان.
Abai.kz
