جول بويىنداعى جاڭا دارەتحانالار ەلدىڭ اۋزىندا جۇرگەن ەڭ ماڭىزدى جاڭالىققا اينالدى! بۇل وسى تاقىرىپتىڭ قانشالىقتى ماڭىزدى ەكەنىن كورسەتەدى. «قازجولدىڭ» جول بويىنا 304 دارەتحانا سالعىزۋعا ينۆەستور تاپقانى قۋانتارلىق قادام! ەندى مىناداي سۇراق تۋىندايدى، بۇدان ءبىز نە ۇتامىز؟ مۇنداي دارەتحانالاردى كۇتىپ ۇستاۋ ءۇشىن اي سايىن 700 مىڭنان 1,5 ميلليون تەڭگەگە دەيىن (1775 دوللاردان 3550 دوللارعا دەيىن) قارجى كەرەك دەپ جازادى. ورتاشا ەسەپپەن الساق، ءبىر دارەتحاناعا 2 662$ كەتەدى ەكەن. ال مۇنى 304-كە كوبەيتسەڭىز، جىلىنا 9 710 976$ شىعادى.

بۇل از با، كوپ پە؟
وزىندىك قۇنىن ەسەپتەپ كورەيىك:

1. ەگەر ءبىر دارەتحاناعا 23 ملن. تەڭگە كولەمىندە (58 000$) ينۆەستيتسيا السا (مەنىڭشە، 3-4 ملن. تەڭگەگە كوپ), وندا مۇنداي نىساندار 5 جىل ىشىندە نەمەسە 20%-ى تولىعىمەن امورتيزاتسيالانۋى ءتيىس. ياعني ءبىر جىلدىق امورتيزاتسيا قۇنى 58 000$ * 20%= 11 600$ بولادى.

2. كۇزەتشى-تازالاۋشىنىڭ ايلىق جالاقىسى 500$ ياكي جىلىنا 6000$ بولادى.

3. كەرەك-جاراقتارعا (حيميالىق زاتتار، سابىن، مايلىق، شۇبەرەكتەر) ايىنا 200$ نەمەسە جىلىنا 2400$ كەتەدى.

4. سۋ جەتكىزۋ، ەلەكتر ەنەرگياسى، تەحنيكالىق قىزمەت جانە باسقا دا نارسەلەرگە اي سايىن 300$ نەمەسە جىلىنا 3600$ كەتەدى.

5. قوسالقى بولشەكتەر مەن دارەتحانانى جوندەۋگە (بىزدە ابدەن ۆانداليزم جايلاعان) اي سايىن 200$ نەمەسە جىلىنا 2400$ كەتەدى.

سوندا ءبىر دارەتحاناعا جىلىنا 26 000$ نەمەسە 304 دارەتحاناعا 7 904 000$ كەتەدى ەكەن.

«قازاۆتوجولدىڭ» 304 دارەتحانانى كۇتىپ ۇستاۋعا جۇمسايتىن 9 710 976 دوللارىنان وزىندىك قۇنى 7 904 000 دوللاردى الىپ تاستاساق، 1 806 000$ نەمەسە سالىنعان 17 632 000 دوللاردىڭ 10,24%-ى پايدا رەتىندە قالادى.

مەنىڭ قورىتىندىم:
دارەتحانا قۇنى. ءبىراز قىمباتتاۋ. دەگەنمەن ءبارى كومپلەكتاتسياسىنا بايلانىستى. كۇتىپ ۇستاۋعا بولىنەتىن قارجى اقىلعا سىيىمدى.
مەن بۇل ماسەلەنى ەگجەي-تەگجەيلى زەرتتەدىم، ەۋروپاعا بارىپ قايتتىم. دارەتحانا زاۋىتتارىن ارالادىم. ءوز اقشاما سەرب دارەتحاناسىنىڭ جوباسىن ساتىپ اكەلدىم، سوسىن پيلوتتىق ءبىر دارەتحانا سالدىق، بۇكىل شىعىندارىن ەسەپتەدىك. كەيبىرەۋلەر ارزانداۋ ەتىپ جاساي الاتىنىن بىلەمىن، بىراق ول تۇككە تاتىمايتىن ساپاسىز دارەتحانا بوپ شىعا ما دەپ قورقامىن. سالۋشىلار ادالدىق تانىتىپ، دارەتحانالار ساپالى شىعادى دەپ ۇمىتتەنەمىن.

قوسىمشا اقپارات:
تەندەر ۇتىپ العان كومپانياعا دا، «قازاۆتوجولعا» دا تۇك قاتىسىم جوق. ءوز پىكىرىمدى ايتۋ ارقىلى قانداي دا ءبىر قارجىلىق پايدا كورۋدى كوزدەمەيمىن.

مارعۇلان سەيسەمبايدىڭ الەۋمەتتىك جەلىدەگى پاراقشاسىنان

Abai.kz