10 جەلتوقساندا ۆاشينگتونداعى دونالد ترامپ پەن رەسەيدىڭ سىرتقى ىستەر ءمينيسترى سەرگەي لاۆروۆپەن كەزدەسۋىنەن كەيىن اق ءۇي تاراتقان مالىمدەمەدە وسىلاي دەپ جازىلعان.
اق ءۇي حابارلاماسىنا سايكەس، ترامپ "قارۋلانۋدى الەم بولىپ ءتيىمدى باسقارۋ ساياساتىنا" قولداۋ بىلدىرگەن. ول ماسكەۋدى اقش-تىڭ يادرولىق قارۋ جاساۋعا جول بەرمەۋ تالپىنىسىن قولداۋعا شاقىرىپ، كورەي تۇبەگىن قارۋسىزداندىرۋعا اتسالىسۋعا ۇندەگەن.
پاريجدەگى "نورمان تورتتىگى" سامميتىنەن كەيىن ءبىر كۇن وتكەننەن كەيىن لاۆروۆ ۆاشينگتونعا بارىپ وتىر.
10 جەلتوقساندا ۆاشينگتوندا اقش مەملەكەتتىك حاتشىسى مايك پومپەو سەرگەي لاۆروۆپەن كەزدەسكەن. ەكەۋى دە اقش پەن رەسەي اراسىنداعى قارىم-قاتىناسقا كەدەرگى كەلتىرەتىن ماڭىزدى سۇراقتاردى قوزعاۋعا ىنتا بىلدىرمەگەن. ولار حالىقارالىق جانە ەكى مەملەكەت قارىم-قاتىناسىنا بايلانىستى بىرقاتار ماسەلەلەردى اتاپ ايتقاندا، سولتۇستىك كورەيانى يادرولىق قارۋدان ارىلتۋ، ۆەنەسۋەلاداعى بيلىكتىڭ اۋىسۋى، ۋكرايناداعى بەيبىتشىلىك جانە رەسەيدىڭ 2016 جىلعى اقش-تاعى سايلاۋعا ارالاسۋى جانە وزگە ماسەلەردى تالقىلاعان.
Abai.kz
