ديماش قاناتۇلى - ءانشى، سازگەر. 2004 جىلى ا.جۇبانوۆ اتىنداعى اقتوبە مۋزىكالىق كوللەدجىن ءتامامدادى. قازاق ۇلتتىق ونەر ۋنيۆەرسيتەتىنىڭ ەسترادا-ونەر كافەدراسىندا وقىپ جاتىر. 2010-2013 جىلدارى بىرنەشە ۆوكالدىق كونكۋرستاردىڭ جەڭىمپازى اتاندى. قازاقستاندا «بايقوڭىر داۋىستارى»، «جاس قانات»، ۋكرايناداعى «ۆوستوچنىي بازار»، «سلاۆيانسكي بازار» بايقاۋىنىڭ جەڭىمپازى. 2014 جىلى «دارىن» مەملەكەتتىك سىيلىعىنىڭ لاۋرەاتى اتاندى. 2015 جىلى «جىل ءانشىسى» بولىپ، 2016 جىلى «ەسترادا ءارتىسى» سىيلىعىن يەلەندى. 2017 جىلى قىتايدا وتكەن بايقاۋدا جۇلدەلى ورىن الدى.
ديماش قۇدايبەرگەن - «قازاقستاننىڭ ەڭبەك سىڭىرگەن قايراتكەرى»
تاۋەلسىزدىك كۇنى مەرەكەسى قارساڭىندا ەل پرەزيدەنتىنىڭ جارلىعىمەن مەملەكەتىمىزدىڭ الەۋمەتتىك-ەكونوميكالىق جانە مادەني دامۋىنا قوسقان ەلەۋلى ۇلەسى ءۇشىن بىرقاتار ازامات مەملەكەتتىك ناگرادالارمەن ماراپاتتالدى.
سول قاتاردا اسا دارىندى ءانشى ديماش قۇدايبەرگەن «قازاقستاننىڭ ەڭبەك سىڭىرگەن قايراتكەرى» اتاعىن الدى. قازاقستان حالقىنىڭ عانا ەمەس، بۇكىل الەم انسۇيەر قاۋىمىنىڭ سۇيىكتىسىنە اينالعان ديماش بۇل اتاققا ابدەن لايىق.
سونىمەن قاتار، داڭقتى انشىگە «اقتوبە وبلىسىنىڭ قۇرمەتتى ازاماتى» اتاعى دا بەرىلدى. وسىلايشا، كۇنى كەشە نيۋ-يورك تورىندە جەكە كونتسەرتىن بەرىپ، الەم حالقىن انمەن تەربەگەن ديماشتى تۋعان جەرى دە توبەسىنە كوتەرىپ جاتىر.
«اقتوبە وبلىسىنىڭ قۇرمەتتى ازاماتى» اتاعى بيىل ءتورت ادامعا بۇيىرىپتى. ديماشتان بولەك، بۇل قۇرمەتتى اتاقتى فيلوسوفيا عىلىمدارىنىڭ دوكتورى، پروفەسسور امانگەلدى ايتالى، فيلولوگيا عىلىمدارىنىڭ دوكتورى، پروفەسسور رابيعا سىزدىق، «اتامەكەن» كاسىپكەرلەر مەن جۇمىس بەرۋشىلەر قاۋىمداستىعى» قوعامدىق بىرلەستىگىنىڭ باسقارما توراعاسى ەسىمحان قۇرمانعازين يەلەندى.
Abai.kz
