جاڭا وقۋ جىلى قارساڭىندا سامسىرەپ ءجۇرىپ، استانا قالالىق ءبىلىم دەپارتامەنتىنىڭ قوعامنان وقشاۋ جيىلىسىنا تاپ بولدىم. ونىڭ بولاتىنىن وقۋلىقتىڭ سوڭىنا ءتۇسىپ جۇرگەن ءبىر اتا-انا ايتقان. باستاۋىش سىنىپ مۇعالىمدەرىنە ارنالعان سەمينار ما، فورۋم با، ايتەۋىر، ءبىر جيىن ەكەن.

پلەنارلىق وتىرىسى سونداي جارقىن ستسەناريگە قۇرىلىپتى، پافوستىق بايانداما دەيسىڭ بە، ماداقتاما ۇلەستىرۋ مە، ءبارى ورىن الدى. سوسىن جۇرت «رۋ-رۋعا» ءبولىنىپ، سەكتسيالىق وتىرىستارعا جونەلدى. مەن دە لەكپەن بىرگە لىقسىدىم. ءبىر سىنىپ بولمەسىنە كىلەڭ ايتۋلى باستاۋىش سىنىپ ۇستازدارى جينالىپتى. مەن سولاي دەپ سەزىندىم، سەبەبى، بۇقاراعا بۇقاداي وعاش كورىنىپ جۇرگەن وقۋلىق ماسەلەسىن تالقىلايتىن ورتا سونداي بولماعاندا قانداي بولماق؟

جاڭا وقۋ جىلى قارساڭىندا سامسىرەپ ءجۇرىپ، استانا قالالىق ءبىلىم دەپارتامەنتىنىڭ قوعامنان وقشاۋ جيىلىسىنا تاپ بولدىم. ونىڭ بولاتىنىن وقۋلىقتىڭ سوڭىنا ءتۇسىپ جۇرگەن ءبىر اتا-انا ايتقان. باستاۋىش سىنىپ مۇعالىمدەرىنە ارنالعان سەمينار ما، فورۋم با، ايتەۋىر، ءبىر جيىن ەكەن.

پلەنارلىق وتىرىسى سونداي جارقىن ستسەناريگە قۇرىلىپتى، پافوستىق بايانداما دەيسىڭ بە، ماداقتاما ۇلەستىرۋ مە، ءبارى ورىن الدى. سوسىن جۇرت «رۋ-رۋعا» ءبولىنىپ، سەكتسيالىق وتىرىستارعا جونەلدى. مەن دە لەكپەن بىرگە لىقسىدىم. ءبىر سىنىپ بولمەسىنە كىلەڭ ايتۋلى باستاۋىش سىنىپ ۇستازدارى جينالىپتى. مەن سولاي دەپ سەزىندىم، سەبەبى، بۇقاراعا بۇقاداي وعاش كورىنىپ جۇرگەن وقۋلىق ماسەلەسىن تالقىلايتىن ورتا سونداي بولماعاندا قانداي بولماق؟

توردە وتىرىستى جۇرگىزىپ، ءبىلىم دەپارتامەنتىنىڭ ءبىر قىزمەتكەرى وتىر. نەگە ەكەنىن بىلمەدىم، ول كۇناينەك كوزىلدىرىگىن ماڭدايىنا تاعىپ  الىپتى. ونىسى ەرسى بولعانىمەن، الگىنى جۇرتتان ەرەكشەلەپ تۇردى: وتىرعانداردىڭ ىشىندەگى «ءمۇيىزدىسى» سول سياقتى كورىندى. كىم بىلەدى، بيىلعى بيكەلەر ءسانى دە ماڭدايعا كوزىلدىرىك تاعۋ بولۋى دا مۇمكىن، تىرلىكتەن قولى بوسامايتىن مەن سەكىلدىلەرگە ول جاعى بەيمالىم عوي. ايتەۋىر، قالامىزداعى ءتالىم-تاربيەنىڭ باس مەكەمەسى سانالاتىن دەپارتامەنت قىزمەتشىسى سونداي «ەلەگانت»، «سانقوي» كورىندى... بىراق ءسوزى مەن وتىرىسىندا، جيىندى جۇرگىزۋىندە تارتىمدى ەشتەڭە بولا قويمادى. سونداي وعاش، قىلىمسۋ مەن وتىرىك باستىقسۋ «ءيىسى اڭقىپ» تۇردى، تويىس، ماعان سولاي كورىندى. قازاقشا سويلەگەندە كەيبىر سوزدەر بۇرالقى ءتىلدىڭ اۋىلىنان شىعىپ، سۋماڭداي بەرەدى ەكەن... قۇددى، «ناشا كازاشا» قويىلىمىنا بەرگىسىز بە، قالاي... ءجا، بىرەۋدە نەم بار، جاي عانا بالالارىمىزدى تاريبەلەيتىن مەكەمە بولعاسىن، وندا قانداي مادەنيەتتى، تاربيەلى، ادەپتى ادامدار ءجۇر ەكەن دەگەن پەندەلىك ىزدەنىس قوي مەنىكى.

سەكتسيا وتىرىسى باستالىپ كەتتى. ءسوزدى وقۋلىق اۆتورلارىنا بەرىپ جاتىر. اۆتورلار دا كيىم كيىسى مەن سوزدەرىنە قاراعاندا، قاراپايىم ۇستازدىقتان اسىپ جىعىلاتىنداي سىقپىتتارى بايقالمايدى. اقىل-وي دەڭگەيلەرى - «تەمبولەيى». ايتەۋىر، دەپارتامەنت وكىلى سولاردى قورعاشتاپ، بىرەۋ بىردەڭە دەپ قويار ما ەكەن دەۋمەن، ءبىر بىرىنە جامىراسقان جانۋارداي جاراسا قالىپتى. ءبىر جاعىنان ول قىلىقتارى اينالا قامال ورناتىپ وتىرعانداي سەزىلەدى... ماعان.

اۆتورلار سونداي ءسوزۋار حالىق ەكەن. بولىنگەن ۋاقىتتىڭ توقسان بەس پايىزى سولاردىڭ اۋىزىنا «جۇعىم» بولدى. الدىن الا ساراپتاما جاساعان استانالىق ۇستازدارعا ءسوز الۋ قىتاي قورعانىن باسىپ الۋدان قيىن بولدى. بايقاۋىمشا دا، سۇراپ بىلۋىمشە دە، ساراپشىلاردىڭ بايانداماسىن باسقا ۇرىپ تۇرىپ، الدىن الا تەكسەرىپ، «جىپتىكتەيلەرىنە» عانا ءسوز بەرگەنسىدى. الدەكىمدەر ەركىنسىپ، ستسەناريدى بۇزىپ، كيلىگىپ كورىپ ەدى. ولاردى كەزەك پە كەزەك وكىل بولىپ، اۆتور بولىپ، قارسى سۇراقپەن بۇرىشقا تىقپالاپ، ءتۇرلى ديداكتيكالىق ادىستەرمەن اۋىزدىقتاپ، اۋىزدان شىعۋعا بەيىم سىندارىن پىشىراتىپ، دال-دۇلىن شىعارىپ، جۋىپ-شايىپ، ساراپشىسىماقتاردى ساتتىلىكپەن ورىندارىنا «جايعاستىرىپ» وتىردى. ءسويتىپ، باستاۋىشتىڭ ماتەماتيكا، قازاق ءتىلى، دۇنيەتانۋ سەكىلدى وقۋلىقتارى مۇعالىمدەردىڭ «قىراعى» سىنىنان وتكەن بولىپ ەسەپتەلدى، حاتتاماعا سولاي تۇسكەنىنە سەنىم مول. بىراق ەرتەڭگى قازاقتىلدى ۇرپاقتىڭ قانداي حال كەشەتىنىنە كىم جاۋاپ بەرەتىنىن كىم ءبىلسىن؟..

ال، مەنىڭ مۇنداي وتىرىسقا ۇرلانا بارۋىم ءبىر ءتۇرلى ادەپسىز كورىندى...

ايشا عالىمبايقىزى، سۇعاناق اتا-انا

«اباي-اقپارات»